20/4/2016

Dende va años, el Muséu Antón intenta avanzar nel so compromisu social, ufiertando espacios, información y actividaes pa tolos públicos. Coles mesmes, dedica programes y proyectos de collaboración a la participación de distintos colectivos, con profesionales de distintos campos auniendo conocencies y afaciéndolos a cada persona.

Nesa llínea d'acción, diseñóse'l programa “Acércate al Museo” cola cuenta de dalo a conocer ente'l movimientu vecinal del conceyu de Carreño.

“Abrimos un conductu más d'espardimientu local so esti lema. Na actualidá los museos, como'l nuesu, tienden a efectuar actividaes pa sectores específicos: públicu infantil, empreses, etc, y equí preténdese, amás d'esto, dirixir l'atención y los esfuerzos pa que se avere al muséu'l vecinderu de Carreño. D'ende que se programara una ufierta de visites dirixíes al campu receptor vecinal, colectivu qu'hasta entós nun fuera oxetu d'atención específica” – esplicó Amelia Fernández, Alcaldesa y Presidenta del Patronatu.

D'esta miente, el Centru d'Escultura de Candás Museo Antón estableció un programa de visites pa les asociaciones vecinales y cultural esdel Conceyu de Carreño. Esta iniciativa pretende dar una mayor divulgación del centru. Les visites van centrase nuna detallada esplicación de la colección permanente del muséu na que s'esponen una selección d'obres del escultor Antonio Rodríguez García “Antón”.

Pa participar nestes visites va ser necesariu alcordales telefónicamente o por mail. El númberu mínimu de persones pa realizar la visita va ser de 10 y el máximu de 20.

Les primeres asociaciones qu'alcordaron la visita son l'Asociación vecinal “Río Espasa” de Perlora y l'Asociación de vecinal “ Santiago” d'Albandi, que van visitar el muséu'l 23 d'abril y el 21 de mayu respectivamente.

“Confiamos con que l'acercamientu a la riqueza de la obra d'Antón d'una manera senciella y clara va redundar en beneficiu de la conocencia del escultor y la custodia patrimonial de la so obra, esfera fundamental nel caltenimientu d'esti patrimoniu por xeneraciones futures” – concluyó l'Alcaldesa.