22/4/2016

Esti 22 d'abril, a les 19:30 h., va tener llugar nel Centru d'Escultura de Candás, Museo Antón la inauguración de la esposición “Habitado de si mismo” de Rodolfo Pico.

La esposición ta constituyida por unos trenta cuadros, colos que Pico deseya conmemorar los 40 años d'oficiu artísticu, que tuvo'l so entamu na primera esposición individual celebrada na sala d'esposiciones del Ateneo Jovellanos de Xixón, nel añu 1976 y dende entós vien faciendo de forma regular hasta la fecha, tantu n'amueses colectives como individuales.

Nacíu en L.luarca, xixonés d'adopción, la obra del pintor Rodolfo Pico ta basada na esencialidá figurativa y nun arrogante sentíu de el color. La so producción pictórica porta un conteníu lliterario, ensin amenorga del so valor plásticu. Asina son iróniques fábules, tornes a les tierres suañaes, viaxes, humor y una suerte de murria poética que configuren una propuesta vital única.

La esposición, va poder ser visitada nel Centru d'Escultura de Candás Muséu Antón hasta'l 29 de mayu. L'horariu de visites ye de martes a vienres, de 17:30 a 19:30 h. ; los sábados, Domingos y festivos de 12:00 a 14:00 h. y de 17:30 a 19:30 h. La entrada ye gratuita.