9/4/2016

Nel marcu del Programa d'Actos entamáu por FETEAS pa celebrar el DIA INTERNACIONAL DEL TEATRU, les Compañíes de Teatru Amateur arrexuntaes en FETEAS decidieron premiar al Teatru Prendes de Candás con una distinción en reconocencia al so llabor en pro del Teatru Amateur. 

Na so carta d'agradecimientu pol Premiu concedíu la Presidenta del Patronatu CC Teatro Prendes y Concejala de Cultura del Conceyu de Carreño, Dª Cecilia Tascón Fernández estima la distinción y afirma que:

"Dende fai yá 26 años venimos realizando un intensu llabor en favor del Teatru y más concretamente del TEATRU COSTUMISTA ASTURIANU. Queremos faer llegar igualmente la nuesa norabona al restu de premiaos que, en dellos casos, siguieron el camín empecipiáu pol SALON DE TEATRU COSTUMISTA ASTURIANU DE CANDÁS, y considérennos un referente."

La Presidenta conclúi la so carta afirmando que:
"EL TEATRU COSTUMBRISTA ASTURIANU merez ser reconocíu como Bien Cultural Inmaterial, oxetivu que nos afitamos dende'l Conceyu de Carreño y el Teatru Prendes por que de una vegada por toes,  les persones y compañíes que formaron , formen y van formar parte del mesmu sían consideraes, per parte de la ciudadanía y les instituciones como firmes valedoras y escelses guardianes d'unos valores tan enraigonaos na sociedá asturiana".

L'actu d'entrega va tener llugar en Langrehotel el domingu 10 d'abril de 2016 mientres la celebración d'una comida de confraternización.