26/5/2016

Tres l'últimu informe de REGIOlab, llaboratoriu d'analís económicu rexonal de la Universidá d'Uviéu, la tasa de paru de Carreño caltiense en puestos relativos baxos comparada cola tasa rexonal y tases municipales.

El nuesu conceyu, asitiáu ente los 10 conceyos con mayor población de la zona centru d'Asturies, ocupa l'últimu llugar ente esti grupu de municipios con una tasa del 16,71% frente a una media rexonal del 19,5%. La tasa de desempléu de Carreño esperimentó un pequenu descensu nel últimu periodu añal estudiáu pol informe, ente los primeros trimestres de 2015 y 2016.

Los datos publicaos por Regiolab revelen una medría del paru nos trés ciudaes asturianes, encabezáu per Xixón, lo que dio llugar a un llixeru aumentu de la tasa rexonal nesti últimu añu.

La situación, tocantes a les posiciones por valor de la tasa de los 10 principales conceyos asturianos de mayor a menor tasa de desempléu, ye la siguiente:

1 Mieres, 2 Llangréu, 3 Xixón, 4 Siero, 5 Castrillón, 6 Uviéu, 7 Corvera, 8 Avilés, 9 Llanera y como postreru Carreño.