26/5/2016

L'Ayuntamiento axudica la excución d'actividaes lúdicu recreatives pa neños y neñes nel branu, VII Colonies de branu “Vive Carreño”, al traviés de la Conceyalía de Mocedá del Conceyu de Carreño y la Oficina Xoven Cabo Peñes. Tres el correspondiente procedimientu de contratación la entidá que resultó axudicataria de la prestación d'esti serviciu foi l'Asociación Cultural “Súbete”, entidá fundada en 2002 y declarada d'utilidá pública.

Les actividaes van tener una duración de 4 hores al día, 5 díes a la selmana (de llunes a vienres) con un calendariu de delles veces selmanales: del 4 de xunetu al 19 d'agostu, de 10-14 hores.

“La programación prevista va realizase principalmente nel Centru Polivalente “La Baragaña” (Candás), pero amás tamién se van faer salíes de campu a redolaes próximes como la sablera de Palmera o'l Parque Les Conserveres.” – esplicó la concejala de la área Paula Cuervo.

Les inscripciones tendrán de realizase los díes 20,22 y 24 de xunu de 2016 na Oficina Xoven Cabo Peñes, allugada nel Centru Polivalente La Baragaña, n'horariu de 09:00 a 14:00 hores. Al traviés de la conceyalía de Mocedá'l gobiernu local pretende ufiertar una alternativa d'ociu braniegu activu, creativu y non consumista a neños y neñes del conceyu y braniantes con una propuesta lúdica.

“Son actividaes que favorecen la conciliación de la vida llaboral y familiar, de la que promueven, al cuntar con personal pa executales, l'empléu local nel campu de l'animación infantil y xuvenil”.

“Pa executales optimizamos l'usu de recursos ya instalaciones y espacios municipales, poniéndolos al serviciu del públicu infantil y dándo-yos un usu fayadizu. Aprovéchase'l tiempu d'ociu como un espaciu pa la construcción d'aprendizaxes creativos” – prosiguió Cuervo.

Les colonies de branu “Vive Carreño” convirtiéronse nuna cita clave del branu carreñense. Sensibilizase a quien participa sobre'l cuidu y el caltenimientu de la naturaleza y el patrimoniu amás de ufiértase dende'l consistoriu un complementu a la ufierta pública o privada d'ociu infantil del conceyu

“Somos conscientes de la gran aceptación qu'estes colonies tienen ente el vecinderu de Carreño, ayudando a conciliar la vida llaboral y familiar, daqué que se fai realmente complicáu en dómines vacacionales” – concluyó la concejala.