2/5/2016

El mozu de 22 años d'edá, Xuaco Llaneza, estrenóse como director de la Banda de Música de Candás nel esitosu conciertu celebráu esti 1 de Mayu a les 12 horas na antigua fábrica d'Ortiz.

La más que centenaria agrupación musical candasina, baxu dirección de Llaneza, interpretó un variáu repertoriu con pieces de compositores europeos y norteamericanos contemporáneos como Hindemith, Fisher Tull, Persichetti, Alfred Reed o Darius Milhaud, que denota les altes cotes de calidá musical na banda candasina.