30/7/2016

El Gobiernu Local caltuvo una xunta de trabayu, na mañana d'esti 29 de xunetu, col Colexu Oficial de Veterinarios del Principáu d'Asturies en visu a estudiar la viabilidá de suscribir un conveniu ente dambes partes tendente a solucionar les moliciones nel conceyu de Carreño no referente al cumplimientu d'obligaciones llegales de protección y tenencia d'animales. Nella participaron el so Presidente, D. Armando Solís y l'asesor xurídicu D. Juan Silva.

El Conceyu solicitó entrevista al Presidente de la entidá, Armando Solís Vázquez de Prada, cola cuenta d'encetar un marcu de collaboración ente los dos entidaes sobre l'asesoramientu del bienestar animal nel conceyu y el control de les colonies felines y animales abandonaos.  

Nel mes de Setiembre, na primer comisión informativa de mediuambiente, va esponese la propuesta que formule'l Colexu al Consistoriu.