30/7/2016

L'eventu “Candás te da la Lata” llogró na so primer edición unes cifres de vientes qu'inclusive superaron les mires iniciales d'hosteleros y Consistoriu, con más de 2000 tapes tastiaes nestes xornaes.

Según la mesma Alcaldesa, Amelia Fernández, “la idea ye bien bona y llogremos crear unes xornaes bien orixinales que creemos tienen percorríu, polo que vamos siguir potenciándoles en futures ediciones”.  

“La hostelería local manifestónos el so prestu pola iniciativa, que tuvo bien bona respuesta tamién per parte del públicu”, indico Paula Cuervo, concejala de Turismu.  

A lo llargo d'estos díes vendiéronse más de 2000 “llates”, una cifra bien interesante teniendo en cuenta que nesta primer edición solo incluyía una fin de selmana.  

La iniciativa tuvo reforzada por acciones de formación pa los hosteleros, que nun duldaron en calificar de “fundamental y bien necesariu” el fechu de que nes selmanes previes al eventu invirtiérase en presentar idees y propuestes de tapes y pinchos creativos que dexaron a los hosteleros interpretar al so estilu y manera les distintes opciones esistentes pa presentar nuna llata, que son munches y con resultancies sorprendentes.  

El bonitu foi unu de los ingredientes protagonistes nesta ocasión, pero nun faltaron pulpos, calamares, sardines, zamburiñes o anchoes. El preciu de les llates yera de 2 euros y mediu, lo que dexaba qu'autóctonos y visitantes fixeren ruta poles cais de Candás y contorna.   

Como colofón a “Candás te da la Lata” realizóse'l sortéu de 12 cenes pa dos persones, que recayeron n'Esteban del Acebo, Julia de la Fuente, Belén Dosantos, Isabel Gavín, Carlos Antonio Ferreiro, Mónica González, Isaac Bernardo, Javier Fanjul, Mari Paz Braña, Carmen Ana Menéndez, José Ignacio Conlledo y Rubén Fernández.  

Los establecimientos que participaron nes xornaes fueron: La Estación, La Espiga, La Bodeguina de Juan, El Embarcadero, Casa Repinaldo, El Portalón, El Náutico, El Canalla, El Llagarón, El Maño, Kalumé y El Empalme.  

Les xornaes desenvolviéronse del 21 al 28 de xunetu, coincidiendo en parte cola Feria de la Conserva, lo que dexó que dambes actividaes reforzárense mutuamente.