25/8/2016
El Ayuntamientu de Carreño realiza les obres de meyora del camín C-106 de Ambás.
“Ye un vial bien utilizáu pola industria maderera pa la estracción de cargues del Areo que'l so firme resiéntese pol gran usu que soporta” – esplicó Manuel Noceda, conceyal de zona rural.
“Tán reparándose, nun tramu de 184,68 metros cuadraos, los blandones. Cortóse'l pavimentu pa darréu sanialo de baches o blandones de firme asfálticu, incluyendo l'arranque del anterior firme de la calzada que taba afectada. Retiróse'l mesmu, tamién quitóse la zahorra suelta y la tierra vexetal. Rellenóse con zahorra artificial estendida y amacerada consiguiendo una compactación del 95 % del próctor modificáu” – esplicó'l Conceyal.
“Llueu, va procedese al asfaltáu del camín con una espesura non menor de 6 cm. Esti asfaltáu va realizase al empar qu'otres pequeñes actuaciones que falten por acometer nel conceyu p'aprovechar al máximu l'asfaltu. Tamién se va dar en la llimpieza de les sangraderes y el so arreglu, nel casu de tar estropiaes, con idéntiques condiciones a los orixinales” – concluyó Manuel Noceda.
Albandi
