22/8/2016

La parroquia de Carrió celebró esti Domingu la festividá de San Llorienzo con Misa a les 13 h. oficiada pol cura párrocu D. Jesús García ayudáu por José Marcelino García. La celebración relixosa foi cantada pol coru parroquial de Perlora y amenizada con gaita y tambor. En representación consistorial allegaron, Simi Velasco Conceyal d'Obres , y l'edil de Mediu Rural, Manuel Noceda.

Dempués de la misa tuvo llugar la procesión con San Llorienzo pola redolada del templu. Una vegada rematada la procesión fíxose l'alcuentru vecinal con sidra y empanada.