15/8/2016

El grupu de teatru amateur Les Ayalgues de Carreño,  que dirixe l'actriz Gemma de Luis, abre la XXVI edición del Salón de Teatru Costumista Asturianu de Candás.

Esti grupu de teatru ta integráu por 17 muyeres mayores de 50 años. Creóse al amparu d'un taller realizáu de iniciación al teatru nel marcu del programa rexonal “Tiempo Propio”.  En participando nél, bona parte de les muyeres qu'asistieron, demandaron a la Conceyalía d'Igualdá prosiguir cola actividá teatral. Dende entós (2011) hasta güei tolos xueves nes tardes, na Casa d'Alcuentros de Candás. realicen les sos clases d'interpretación y ensayos teatrales financiaos pol Ayuntamientu de Carreño.

Anguaño, gracies a José Ramón Oliva, autor teatral asturianu, van poder estrenar nueva obra. Lleva por títulu “Les Olímpiques”. va estrenase'l próximu miércoles, día 17 d'Agostu, a les 23 hores nel Teatru Prendes.

La trama de la obra trata sobre una asociación de muyeres del conceyu de Carreño, que s'anima, a pidimientu d'una socia, a intentar participar nos Xuegos Olímpicos de Rio de Janeiro. Una vegada fecha la propuesta y dempués de xenerar rises ente'l restu del grupu, la idea de participar nes olimpiaes va coyendo forma na villa d'Olímpicos. Al unísonu traten de buscar sofitos p'allegar, reciben el del pueblu, pero tienen que faer frente a los envites burocráticos y otra serie de contratiempos. Van entrenase duru pa participar realizando los exercicios preparatorios na piscina de la Mancomunidá Cabo Peñes.

El vestuariu que van amosar ta ellaboráu poles mesmes integrantes del grupu. Pa la decoración tienen la collaboración y asesoramientu de la pintora candasina María Jesús Fernández Iglesias. La so madre María Luisa Iglesias, popularmente conocida como "Lusina la peluquera" ye una de les actrices qu'aspira dir a Rio. ¿Van consiguir Les Ayalgues el so suañu olímpicu anguaño 2016 nel que se cumplen los 40 años que'l deportista candasín Herminio Menéndez alzóse con medaya olímpica? El miércoles nel teatru desvelaráse'l fin de la trama. La diversión ta asegurada.