17/8/2016
Cerca de 200 persones ente organización y xugadores, principalmente neños, neñes y adolescentes (137) amás de 60 adultos, participaron nel Tornéu de Fútbol 3 “El Rincón” Memorial Agustín Menéndez Campiña “Guti” rematáu'l pasáu sábadu 13 d'agostu nel incomparable marcu del Parque Les Conserveres de Candás, onde la escelente y desinteresada organización d'Axedrez Candás y Peña Atlética Alberto, col sofitu del Conceyu de Carreño, asitió la cancha de xuegu según un pequeñu chigre y espaciu pa los asistentes y espectadores qu'en munches ocasiones atarraquitaron la redolada.
A la entrega de premios, en representación municipal, asistieron Alcaldesa de Carreño Amelia Fernández y el Vicealcalde Gabriel Rodríguez.
Esti eventu deportivu convirtióse n'unu de los más vistosos y destacaos del branu candasín, sumándose a les distintes celebraciones deportives que caractericen el nuesu conceyu.
Albandi
