L'Ayuntamientu
de Carreño, convoca en réxime de concurrencia competitiva, pal
presente curso escolar, 2016-2017, les ayudes municipales col
propósitu de sufragar los gastos derivaos de la Enseñanza Infantil,
Bachilleratu, F.P., Módulos de Grau Mediu o Cimeru o análogos,
Tresporte Universitariu y de les enseñances de la Escuela Municipal
de Música “Miguel Barrosa” y Tresporte a Centru
d'Educación Especial.
“Tres
la entrada a valir de la Llei 27/2013, de 27 d'avientu, de
Racionalización y Sostenibilidá de les Alministraciones Locales, el
Gobiernu de la Nación, encabezáu por Mariano Rajoy suprime a les
alministraciones locales, esto ye, a los Conceyos, a los entes más
cercanos a la ciudadanía les competencies que teníen n'Educación.
L'equipu de gobiernu socialista de Carreño, siguiendo nel so enfotu
d'ayudar al vecinderu sigue convocando estes ayudes pa la educación,
llegando a onde el Ministeriu d'Educación nun llega. Nun nos ponen
les coses fáciles dende'l gobiernu central y pa poder ayudar al
vecinderu tenemos de pidir autorización, unviar informes de non
duplicidá, etc porque nos retayaron les competencies locales” -
señaló Cecilia Tascón- Conceyala d'Educación.
“Como
conceyala responsable de les árees d'Educación y Bienestar Social
tenemos conocencia real de la situación que traviesen les families
del nuesu conceyu, polo que pal presente curso escolar la partida
económica destinada a ayudes a la educación haber calteníu
íntegramente. Nel cursu 2015-2016 concediéronse 97 ayudes a
families. Pal presente curso les pretensiones ye ayudar a 133
families, destinando 20.550 € del presupuestu municipal”- prosiguió Tascón.
L'importe
y la distribución de les ayudes va ser el siguiente:
·
50 ayudes con destín a enseñanza infantil con dotación de 70 €
caúna, destinaes al pagu de llibros y material escolar.
·
30 ayudes con destín a bachiller, F.P., módulos de grau mediu o
cimeru o análogos, con dotación de 175€ pa l'ayuda de llibros.
·
30 ayudes de 300 €, destinaos a sufragar los gastos derivaos del
tresporte universitariu pal alumnáu de centros de la Universidá
d'Uviéu o n'universidaes públiques del territoriu nacional siempre
que la titulación o formación universitaria nun s'imparta nel
Principáu d'Asturies.
·
15 ayudes por un importe de 80 €, con destín a sufragar enseñances
impartíes na Escuela de Música Municipal “Miguel Barrosa”.
·
8 ayudes de 200 €, destinaes a sufragar los gastos derivaos del
tresporte a centros d'Educación Especial.
Van
Poder optar a les ayudes les persones que s'atopen empadronaes nel
Conceyu y que tean matriculaes en dalgún de los niveles pa los que
son destinaes les ayudes.
El
plazu de presentación de solicitúes va ser dende'l 10 al 21
d'ochobre de 2016, dambos inclusive. Les solicitúes deben presentase
nel impresu oficial xuntu cola documentación necesaria nel Rexistru
Xeneral del Conceyu de Carreño, sito na cai Santolaya, 1-3 de
Candás, nel siguiente horariu:
·
Llunes, Miércoles y Vienres de 9 a 14 hores
·
Martes y Xueves de 9 a 14 hores y de 15 a 18:30 hores..
Pa
la concesión de l'ayuda va haber que llograr dalgún puntu. Pal
llogru d'estos van dividise los ingresos netos que figuren na unidá
familiar ente'l númberu de miembros de los que consta. Por casu una
familia formada por trés persones con unos ingresos de 21.000€, a
cada un de los sos miembros correspondería-y unos ingresos de
7.000€. Esta cantidá, según la tabla que s'axunta nes bases de la
convocatoria corresponderíen-y 2 puntos.
ver bases >>
ver bases >>
Albandi
