Esti vienres 30 de setiembre y el próximu llunes 3 d'ochobre, l'asociación Médicos del Mundu va llevar al IES de Candás la campaña Sierra Lleona sobreVIVE, que pon voz a les persones supervivientes a la epidemia de ébola, l'añu pasáu en Sierra Lleona, onde Médicos del Mundo tien presencia dende'l 2007 con proyectos de cooperación al desenvolvimientu, financiaos dende'l Conceyu de Carreño, ente otros.

Nel Institutu de Candás van desenvolvese dellos talleres en 4º de la ESO y 1º de Bachilleratu, nos que-yos amosarán la situación de la población sierralleonesa tres la epidemia de ébola, el trabayu de Médicos del Mundo y la recuperación d'un pueblu que sobrevive a pesar de les dificultaes.

Dicha actividá súmase a la esposición fotográfica “Sierra Leona SobreVIVE” que puede visitase hasta'l 7 d'ochobre y a la charra “Sierra Leona después del ébola” que va tener llugar esti xueves 29 de setiembre a les 19:00, dambes nel Centru Polivalente “La Baragaña”.