Dende esti día 20 d'ochobre, pueden solicitase les Beques pa Deportistes Individuales non Profesionales que, como cada añu, convoca'l Conceyu de Carreño en réxime de concurrencia competitiva.
“L'oxetu de diches beques nun ye otru que l'ayuda económica a deportistes que non perciben retribuciones económiques pola so actividá y que destacaren a nivel individual o integraos n'equipos” - señaló Gabriel Rodríguez, Conceyal de deportes.
“La cantidá máxima por deportista, según la categoría, bazcuya dende los 400 € nel casu de deportistes de categoríes absolutes, a los 100 € que pa quien lo practiquen na categoría infantil” – prosiguió'l conceyal.
Les bases tán publicaes na web municipal y la presentación de les solicitúes, xuntu cola documentación esixida hai d'apurrise nel Rexistru Xeneral del Conceyu.
“Otru añu más presentamos esta convocatoria d'ayudes a deportistes pa siguir con una de les prioridaes del equipu de gobiernu que nun ye otra que'l fomentu de los vezos saludables y les práctiques deportives. El Ministeriu de Sanidá, Servicios Sociales ya Igualdá, xuntu coles CCAA y sociedaes científiques, ellaboraron la Estratexa de Promoción de la Salú y Prevención nel Sistema Nacional de Salú (SNS), aprobada pol Conseyu Intersectorial del SNS. L'Oxetivu Xeneral de la estratexa ye fomentar la salú y el bienestar de la población promoviendo redolaes y estilos de vida saludable y potenciando la seguridá frente a les mancadures” – señaló'l conceyal de deportes.
“Dende'l Conceyu de Carreño vinimos realizando actuaciones col fin de promocionar vezos saludables ente'l vecinderu. Non hai dulda que los Gobiernos Locales tienen una influencia directa na salú de la población, por aciu les sos polítiques de salú, educación, bienestar social, tresporte, mediu ambiente, urbanismu, deportes, etc. N'anguaño 2016 consideramos indispensable englobar dichos esfuerzos nun marcu sólidu y prediseñáu nel que la participación de los distintos axentes sociales sía una de les premises indispensables p'avanzar n'estilos de vida sanos y redolaes saludables d'ende que nel Plenu, por unanimidá, asumiéramos el compromisu d'adhesión a la ESTRATEXA DE PROMOCIÓN DE LA PROMOCIÓN DE LA SALÚ Y PREVENCION EN SNS y caltengamos convocatories de fomentu del deporte como ésta” –concluyó'l conceyal de deportes.
Albandi
