Conscientes
de la delicada situación que traviesen la ciudadanía y les pymes de
Carreño plantegamos una propuesta d'ordenances fiscales qu'intenta
desaniciar nel nuesu conceyu los efectos de la política económica
del Gobierno Central.
L'equipu
de gobiernu propunxo na Comisión Informativa de Facienda, celebrada
güei a les 12:30 h., l'amenorgamientu de la presión fiscal nel
conceyu. Tratar d'una propuesta equilibrada na que s'amenorga la
presión fiscal sobre les families, principalmente al traviés de
rebaxar del tipu impositivu del Impuestu sobre Bienes Inmuebles (IBI)
nun 10 % y de la Plusvalía, casi un 40 % d'amenorgamientu.
La
nuesa propuesta céntrase en tres elementos fundamentales, el sofitu
a la ciudadanía y a les pymes y el caltenimientu de los servicios
públicos.
CAMBEOS
QUE PROPÓN EL GOBIERNU LOCAL DE CARREÑO PA LES ORDENANCES FISCALES
2017
IMPUESTOS:
-Ordenanza fiscal nº 302 Impuestu sobre bienes inmuebles.
La
propuesta del gobiernu local ye AMENORGAR un 10 %. Afaer el
tipu impositivu por que se caltenga la cuota del añu anterior.
Cambéu
del artículu 2.1 que quedaría redactáu:
a)
Bienes inmuebles de naturaleza urbana: 0,531 %
b)
Bienes inmuebles de naturaleza rústica:0,324 %
c)
Bienes inmuebles de característiques especiales: 1,30 %
-Ordenanza fiscal nº 303 Impuestu sobre amonto de valor de los
terrenos de naturaleza urbana.
La
propuesta contempla amenorgar los tipos de los tramos y el tipu
impositivu por que nun sía tan gravosa la cuota colos nuevos valores
catastrales. Propónse un AMENORGAMIENTU del 20 % tantu de los
porcentaxes añales como del tipu impositivu nos dos casos.
Supon
modificar l'artículu 9.1 y del artículu 10.1
-Ordenanza fiscal nº 304: Impuestu sobre construcciones,
instalaciones y obres propón una DEDUCCIÓN del ICIO empuesta
a les pequeñes empreses y comercios. El gobiernu local
establez una deducción de la cuota íntegra del impuestu del importe
satisfechu o que tenga de satisfaer el suxetu pasivu en conceutu de
tasa por otorgamiento de llicencia urbanística cuando se trate
d'obres en locales de nueva apertura, siempre que'l so proyectu
d'obra nun supere los 45.000,00.-€
TASES:
-Ordenanza fiscal nº 104: tarifa 3 ª que regula la ocupación de los
nichos con calter temporal, estable l'arriendu por 5 años. Paeznos
que ye pocu tiempu los 5 años, atendiendo a que pa desaterrar un
cadabre ríquense un periodu mínimu de 10 años. Tuvimos casos de
persones desmpués que paguen el primer periodu d'arriendu per cinco
años, cuando se-yos liquida la renovación a los 5 años nun lo
paguen y el nichu nun ta en condiciones de abrir.
Por
ello, paeznos recomendable afitar el periodu mínimu d'arriendu de
los nichos del campusantu municipal en 10 años, anovable dempués
por periodos de 5 años.
PRECIOS
PÚBLICOS:
-Ordenanza nº 205 Ordenanza reguladora del preciu públicu pola
prestación del serviciu de celebración de matrimonios civiles
Introducir
una cuota pola prestación del serviciu de presentación de neños y
neñes a la comunidá o bienvenida a la mesma. Un actu civil que se
demandó y pal cuál nun se contemplara preciu públicu. que
s'empresta y supón un costu en gastu corriente y personal municipal,
propónse afitar pola so prestación un preciu públicu cola mesma
tarifa que los matrimonios civiles. Tien De faese constar que
l'alcaldesa, el conceyal o la concejala que los realiza nun perciben
remuneración económica dalguna por celebralo. Trátase d'un preciu
públicu pa cubrir los costos d'emprestar dichu serviciu.
Supondría
modificar el títulu de la ordenanza, l'artículu 1 y l'artículu 2
incluyendo esti supuestu dientro del fechu imponible gravado pol
preciu públicu.
Caltener
les mesmes tarifes que pa los matrimonios civiles regulaes nel
artículu 4 de les ordenances.
-Ordenanza nº 206: afaer les tarifes a los precios encamentaos pol
Principáu d'Asturies. Dende Setiembre n'aplicación de los criterios
fitos pol Principáu, deber de xubir 6 € al mes pola xornada
completa y 3 euros al mes pela media. En Carreño dicha xubida
plantega asumísela pal próximu añu 2017.
Coles
mesmes conxélense'l restu tases, precios públicos ya impuestos non
señalaos nel apartáu de medicaciones.
Esta
propuesta d'ordenances fiscales afaese a la situación económica na
que tamos somorguiaos anguaño en Carreño, tantu les families,
como'l texíu empresarial y les instituciones, polo que tratemos
d'amenorgar la presión fiscal, pero ensin perder de vista'l
necesariu caltenimientu de los servicios públicos. Los servicios
públicos hai que financialos pa garantizalos.
Dientro
de dos semanes, el xueves 3, a les 8:30 h. volverá axuntase la
Comisión Informativa de Facienda pa estudiar les aportaciones del
restu de fuerces polítiques y ver qué alcuerdos se algamar al
respective. El llunes, 7 de Noviembre, celebraríase'l Plenu
Estraordinariu cola propuesta final d'Ordenances fiscales 2017.