Del 10 al 12 de payares nel Centru polivalente de Candás van esponese exemplos de bones práctiques de Cataluña, Madrid y Asturies.

ARA, Asociación de Conservadores y Restauradores d'Asturies promovió, pa los díes 10, 11 y 12 del próximu mes, la celebración d'unes Xornaes sobre Caltenimientu y Restauración del Patrimoniu Industrial Mueble, que van tener llugar nel centru polivalente de Candás.  

Estes Xornaes nun seríen posible ensin el respaldu y patrociniu del Ayuntamientu de Carreño, ensin el mecenalgu de la fundación María Cristina Masaveu y ensin patrocinadores como la empresa de productos de restauración Agar Agar o la collaboración del Muséu del Ferrocarril d'Asturies y El Muséu-Mina de Arnao al que van realizase visites.  

“El Patrimoniu Industrial ye un de los bienes culturales más relevantes, variaos y ricos que tien la nuesa rexón. De les decisiones que tomemos anguaño va depender si convertimos esi legáu del pasáu nuna importante riqueza pal futuru, o dexamos pasar esta oportunidá. Candás va acoyer interesantes conferencies y exemplos de les vueses práctiques que pueden ser bien reveladores pa tomar decisiones futures sobre'l nuesu patrimoniu industrial mueble. El pasáu conserveru y ferroviariu son oportunidaes a esquizar” – señaló l'Alcaldesa de Carreño, Amelia Fernández.  

“Dende l'Asociación de Conservadores y Restauradores d'Asturies non somos axenos a esta gran responsabilidá que se nos plantega para coles futures xeneraciones. Y dende el nuesu oficiu buscamos les meyores maneres de faer frente al retu, poco estudiáu entá, que constitúi la restauración de los bienes muebles rellacionaos con esti patrimoniu. Unificar criterios, sistematizar métodos y materiales, analizar y aprender de les meyores restauraciones llevaes a cabu, son dalgunos de los oxetivos que plantegamos cola organización d'estes xornaes” – esplicó Raquel Viejo, Presidenta d'ARA.  

Les Xornaes tán destinaes a técnicos y técniques de patrimoniu, persones espertes del sector industrial, profesionales del caltenimientu y restauración del patrimoniu, xestores del patrimoniu, historiadores y polo xeneral, a toes aquelles persones comenenciudes nel patrimoniu mueble y na so preservación.