Nel
marcu de la programación de Cursos d'Estensión Cultural 2016-2017
ufiertaos pol Conceyu de Carreño, col oxetivu de promover la
participación social, la educación, la formación y la cultura, y
ameyorar la calidá de vida de les persones nel ámbitu municipal,
vienen desenvolviéndose una serie d'acciones formatives que
destaquen pol calter artesanal.
Dende
la Conceyalía de Cultura, nesta edición amplióse: la ufierta de
cursos a un total de 37; les places, ufiertándose 555; y l'horariu
programando cursos non yá peles tardes sinón tamién
n'horariu de mañanes. Amás diversificóse la ufierta pa tolos
colectivos, intentando averar a la mocedá, y caltúvose la ufierta
pa persones con diversidá funcional.
"El
cursu de malla na zona rural tuvo bona acoyida. Les alumnes yá
forfuguen los sos trabayos sobre'l bastidor y hubo pidimientos de más
cursos de malla que nun pudimos atender como fuera'l nuesu deséu.
Esti cursu desenvuelvese tolos martes de 16 a 20 hores y
destaca principalmente na programación ufiertada polo artesanal que
ye'l procesu d'ellaboración" - afirmó la conceyala de Cultura
de Carreño.
Dende
va unos años impártese esta temática na zona rural a demanda del
vecinderu de delles localidaes.
"Anguaño
na parroquia de Prevera tamién nos demandaron un cursu de malla y
nun tuvimos posibilidaes de realizalo por non atopar profesional que
pudiera impartilo. Contactóse col consistoriu de Gozón pola
tradición mallera qu'hai ellí. Punxéronnos en contactu coles
muyeres que faen esta llabor artesanal pero munches son mayores y nun
imparten clases, y otres más moces tienen axendes difíciles de
compaxinar al tener al so cargu mayores o nietos y nun poder tampoco
movese a Carreño. Coles mesmes, namá pudimos impartir esti cursu en
Carreño. Una única edición qu'imparte Mª Antonia Fernández
Rodríguez, la cuál tien 20 años d'esperiencia en cursos de
malla, y tamién imparte formación nun Centru de Día
n'Avilés. Esta monitora impártelo nel Cir Monte Areo dende va
unos años, pol so bon faer ye apreciada poles alumnes que provienen,
ente otres localidaes, de Quimarán, Ambás, y El Valle. Tampoco foi
posible qu'ella asumiera más cursos porque a los sos llabores
docentes súmase'l cuidu d'un mayor y tornó dar más cursos" -
esplicó Cecilia Tascón, Conceyala de Cultura.
Albandi
