Candás va acoyer, por primer vegada,
esti certame infantil y xuvenil d'habaneres d'ámbitu nacional, que
va celebrase el próximu, Sábadu, 25 de Febreru a les 19:30 h.
nel Teatru Prendes de Candás.
Nel salón de plenos del Consistoriu de
Carreño presentóse, na tarde d'esti 10 de febreru, la primer
edición d'esti certame que s'entama al traviés de la Conceyalía de
Cultura en collaboración con La Escuela Municipal de Música “Miguel
Barrosa” de Carreño col fin de promocionar y espublizar les
habaneres ente la mocedá cantora. Surde como continuidá del aquella
iniciativa Cantares de la Bodega, qu'impulso'l tristemente fináu
José Ramón Glez. Muñiz. Con la so desapaición cerróse'l ciclu de
V ediciones del concursu de cantares de les fábriques de conserva y
marineres.
Con esta nueva iniciativa'l Conceyu
quier caltener vivu'l legáu del fináu, ampliando l'ámbitu del
certame a estatal y nél pueden participar toles agrupaciones
corales que los sos componentes, na so mayoría, nacieren nel añu
1999 o siguientes. La Escuela Municipal de Música “Miguel Barrosa”
de Carreño foi la encargada d'escoyer el númberu de corales
participantes una vegada cerráu'l periodu d'inscripción.
Cada agrupación coral va interpretar
un total de 4 obres:
Trés habaneres con testu en castellán.
Una d'elles va ser obligada pa tolos participantes. Tendrán de
presentase a la organización trés o más títulos d'habaneres, con
orde de preferencia.
Una obra coral del repertoriu
internacional o de la so rexón d'orixe, de llibre elección.
El Departamentu Técnicu del Certame va
escoyer los dos habaneres de llibre elección, atendiendo al criteriu
de non repetición y nel casu de les habaneres teniendo d'afaese a la
forma musical: compás de 2x4, valor de negra 60 aprosimáu, ritmu
característicu y estructura binaria, según pal cantar marineru.
L'orde de programa de cada participante
va ser el siguiente:
1. Habanera Obligada “En
Candás…”.
2. Habanera/Cantar Marineru de
Llibre Elección.
3. Habanera/Cantar Marineru de
Llibre Elección.
4. Obra Coral de Llibre Elección.
Ente los coros que van participar de
fora d'Asturies, coros de tres comunidad autónomes el CORU ÁNGEL
BARJA de Llión, el Coru Encanto, sección xuvenil de la familia
coral Santiago Apóstol y ZARIA KORU ESKOLA.
Amás esi mesmu fin de selmana la villa
marinera acueye l'III Congresu Internacional de l'Habanera, los díes,
24, 25 y 25 de Febreru nel Centru Polivalente la Baragaña.
Candás recueye'l testigu de Torrevieja
p'allugar esta tercer edición na que collabora la Universidá
d'Uviéu, la primera celebróse nuna localidá catalana.
Albandi
