Estos díes l'Axencia Tributaria dio a conocer a la población el calendariu pa la “Campaña RENTA 2016”
pal so desenvolvimientu mientres los meses d'abril a xunu,
inclusive. Delles son les feches a tener en cuenta:
El 5 d'abril, va dar empiezu la campaña
col entamu de los Servicios del nuevu programa Renta Web, a partir
d'esi momentu podrá llograse el númberu de referencia del borrador,
presentar declaraciones y empecípiase el serviciu d'información
telefónica.
El 4 de mayu, empecípiase'l serviciu
de concertación de Cita Previa. Pa ello habilitaránse dos númberos
de teléfonos (901 22 33 44 – 915 53 00 71) de 9:00 a 19:00
hores pa solicitar la cita previa; tamién podrá solicitase al
traviés de la Web de l'Axencia Tributaria les 24 hores del día.
11 de mayu, entamu de la Campaña
presencial.
El 26 de xunu, ye la fecha atope pa la
domiciliación de la RENTA a ingresar.
29 de xunu, últimu día nel que puede
solicitase el serviciu de cita previa.
30 de xunu, fin de la campaña. Últimu
día nel que puede presentase la documentación ante l'Axencia
Tributaria.
“Frutu del alcuerdu de collaboración
ente les alministraciones central y local, el Consistoriu de Carreño,
un añu más, pon a disposición de la ciudadanía dos persones, cola
debida esperiencia y formación, que van facilitar a la
población la presentación de la documentación necesaria. A partir
del 4 mayu hasta'l 29 de xunu los vecinos y les vecines van poder
solicitar esti serviciu. Dada la situación de crisis na qu'atopamos,
na que non tol mundu puede contratar asesores y que movese a la
see de l'Axencia puede suponer dalgún hándicap, el serviciu
d'asistencia na confección y presentación de declaraciones pa la
población de Carreño va tener llugar nel Edificiu Polivalente “La
Baragaña” de Candás, na cai Bernardo Alfageme, de forma
gratuita” –señaló Amelia Fernández,Alcaldesa de Carreño.
Tamién va haber talleres
formativos nel Centru de Dinamización Tecnolóxica local que va
ufiertar formación p'ayudar al vecinderu a realizar la declaración.
La principal novedá de la RENTA 2016
ye que retírase definitivamente'l programa PADRE. Hasta, agora, esti
programa sirvía d'ayuda na confección de la declaración de la
renta, anque l'añu pasáu yá fuera esaniciáu pa la mayoría de los
contribuyentes. Namás quedara pa les declaraciones d'actividaes
económiques de la población activa por cuenta propia.
Por primer vegada, va disponese del
sistema “Renta Web”, xeneralizando'l so usu, independiente de la
naturaleza de les rentes. Esti nuevu sistema vien sustituyir al
programa Padre y al borrador del IRPF, siendo un amiestu de los dos.
“Va dieciséis años que se punxo en
funcionamientu'l serviciu d'asistencia na confección y presentación
de declaraciones de la renta en Carreño. Nel añu 2002 fueron 167
persones que fixeron usu d'esti serviciu, pasando namá nun par
d'años a les 500 solicitúes. Nel 2011 fueron atendíes 1.003
persones, cifra que siguió aumentáu hasta les 1.188 del añu pasáu
y que nel presente esperamos superar. Anque Carreño ye un
conceyu xeográficamente perbién asitiáu y con una rede de
comunicaciones escelente, siempre intentemos atraer al nuesu conceyu
los servicios necesarios pa la ciudadanía, nun teniendo que movese
pa la so xestión. Como ye la posibilidá d'anovar el DNI n'el mesmu
Conceyu cada trimestre cola visita d'un equipu de la Policía
Nacional o la presencia toes los miércoles de personal del
serviciu tributariu del Principáu d'Asturies pa faer les oportunes
xestiones ” –concluyó l'Alcaldesa.