El Salón d'Actos del Centru
Polivalente “La Baragaña” va acoyer esti 10 de marzu la
celebración del Primer Alcuentru Municipal de Participación
Ciudadana qu'entama'l Gobiernu del Principáu d'Asturies en
collaboración cola Federación Asturiana de Conceyos y el Conceyu
anfitrión.
Nel marcu del procesu d'ellaboración
del Llibru Blancu de la Participación Ciudadana n'Asturies surdió
la idea de celebrar un Alcuentru Municipal de Participación
Ciudadana. Col oxetivu de marcar una fueya de ruta escontra la
collaboración ente dambes alministraciones, la idea ye abrir un
espaciu d'alderique y reflexón nel ámbitu local sobre les
oportunidaes que se abren a modelos de xestión pública que, asitien
la participación ciudadana como unu de los elementos centrales a la
de falar de gobiernu abiertu.
L'alcuentru diríxese a personal
técnico xurídicu, secretarios/es, interventores, personal técnico
polo xeneral y cargos electos de l'alministración local y autonómica
d'Asturies, según a representantes de colectivos y entidaes del
movimientu asociativu.
Esta primer edición, que va poder
siguise en streaming, va desenvolvese como se detalla nel siguiente
programa:
Programa
09.30 h. Entrega de documentación
09.45 Inauguración
Dña. Amelia Fernández López.
Alcaldesa de Carreño.
Representante de la Federación
Asturiana de Conceyos (F.A.CC.)
D. Guillermo Martínez Suárez.
Conseyeru de Presidencia y Participación Ciudadana. Gobiernu del
Principáu d'Asturies.
10.00 h. La participación ciudadana a
nivel municipal: Retos, oportunidaes y nueves víes pa la
participación territorial: Foros locales y Collaboración públicu
social.
Presenta:
D. Ángel Daniel Martin Marcos,
Director de l'Axencia de Desenvolvimientu Local. Mancomunidá Cabo
Peñes.
Intervien:
D. Antonio Díaz Méndez.
Director Xeneral de Planificación y
Desenvolvimientu de la Descentralización del Ayuntamientu de Madrid.
10.45 h. Panel d'esperiencies en
participación ciudadana a nivel local
Presupuestos participativos.
Conceyu d'Avilés. Dña. Fuencisla
Rubio Muriedas. Responsable Área Participación Ciudadana.
Conceyu de Carreño. Dña. Ana Isabel
García Fernández. Responsable de la sección Tic, Tresparencia y
Participación Ciudadana.
Conceyu de Xixón. Pablo Vázquez de
Castro. Xefe de la Sección d'Estudios. Serviciu de Planificación y
Modernización
Llei 39/ 2015: respuesta a nivel local
a los retos.
D. Fernando Mora Bonguera. Secretariu
Ayuntamientu de Carreño.
11.30 h. Pausa-café
11.45 h. Continuación Panel
d'esperiencies
Estructures formales de Participación
Ciudadana: Salú, Infancia, Muyer, Juventud…
Ayuntamiento d'Uviéu. Ana Taboada
Coma. Concejala de Participación Ciudadana ya Información..
dadana, Desenvolvimientu Local y
Fomentu del Empléu.
Estratexes non formales de
Participación Ciudadana.
Conceyu d'A Veiga. D. Daniel Lasheras
Cordero. Conceyal d'Obres Mediu Ambiente y Participación Ciudadana.
12.15 h. Dinámica de trabayu
Aportaciones al Borrador del Llibru
Blancu de la Participación Ciudadana nel Principáu d'Asturies.
14.00 h. Presentación de Resultaos
Presentación de les conclusiones de la
dinámica de trabayu y l'información recoyida mientres la Xornada.
14.15 Clausura
Dña. Cecilia Pérez Sánchez.
Alcaldesa d'El Franco. Representante de la Federación Asturiana de
Conceyos.
Dña. Melania Álvarez García.
Directora Xeneral de Participación Ciudadana. Conseyería
Presidencia y Participación Ciudadana. Gobiernu del Principáu
d'Asturies.
En momentos como los actuales, nos que
la desafección polos asuntos públicos y la rocea escontra la
política y los sos representantes instalóse na percepción
ciudadana de la realidá, rescampla que la sociedá polo xeneral
avanza a unos ritmos y velocidaes bien distintes a los de
l'alministración pública, xenerando nueves demandes y nueves formes
de relación ente la ciudadanía y les alministraciones. La necesidá
d'apostar por nuevu modelos de gobernanza más participativos,
inclusivos y compartíos pola ciudadanía nun ye una reivindicación,
sinón una realidá a la que dende les alministraciones públiques
deben dase respuestes concretes. A esto hai qu'añedir les nueves
obligaciones de relación y tresparencia derivaes de distintes
lexislaciones yá a valir, como la Llei 39/ 2015 de Procedimientu
Alministrativu, la Llei 40/2015 de Réxime Xurídicu o la Llei de
Tresparencia.
Ye por ello que dende la Dirección
Xeneral de Participación Ciudadana vese na celebración d'esti
primer alcuentru, la oportunidá d'abrir un espaciu a la
collaboración coles entidaes locales nel impulsu de les polítiques
públiques de participación. Son munches les iniciatives que nos
últimos años punxéronse en marcha nel conxuntu del Principáu
d'Asturies y l'alcuentru concíbese como l'escenariu ideal pa
compartir estes esperiencies y faeles visibles al conxuntu d'entidaes
locales.