El Conceyu de Carreño, al traviés de
la Conceyalía de Festexos, abre'l plazu de solicitú pa
l'axudicación d'una barra na fiesta de San Antonio , que va tener
llugar el 13 de Xunu nel Prao de Gervasia, y otra pa San Roque,
fiesta que se va celebrar el 16 d'Agostu.
"Faese cargu de los dos
barraques va costar 100 euros, una cantidá simbólica, que va
destinada a facilitar qu'aquelles entidaes ensin ánimu
d'arriquecimientu del conceyu que vaigan destinar la recaldación a
fines socioculturales o deportivos a desenvolver nel conceyu puedan
llograr unes víes de financiamientu pa reforzar los sos programes y
actividaes" - esplicó la concejala de la área Paula
Cuervo.
Pa l'axudicación de la barra
valoraránse ciertos criterios como la esperiencia nel entamu
d'eventos similares, la finalidá prevista de los fondos recaldaos,
una propuesta de desenvolvimientu de la tradicional puya al RAMU de
SAN ANTONIO y el llistáu de los productos que se van ufiertar.
"El Conceyu de Carreño va
apurrir al axudicatariu/a toma d'eletricidá y el suministru d'agua
potable, 15 mostradores, megafonía con música ambiente y micrófonu,
según la estructura del ramu pa la Puya de San Antonio" -
comentó la conceyala.
Les solicitúes pa poder optar a les
barres pueden presentase por rexistru nel Ayuntamientu de Carreño
ente el 5 y el 31 de Mayu, van tener preferencia solicitantes que
moren nel conceyu de Carreño. Pueden descargase les bases na páxina
web del Ayuntamientu de Carreño, www.ayto-carreno.es
Albandi
