El Conceyu de Carreño al traviés de
la Conceyalía de Mocedá y l'Oficina d'Información Xuvenil cola
collaboración del IES de Candás pon en marcha'l programa “Educando
en valores + Orientación llaboral”. Les actividaes van
desenvolvese ente'l 3 de Mayu y el 14 de Xunu de 2017 y tán
destinaes al alumnáu d'ESO Y Bachilleratu del IES de Candás.
L'actividá esta estremada en dos
bloques:
-talleres Educando en valores, que'l so
oxetivu ye ayudar al alumnáu a resolver conflictos del so día ente
día de forma asertiva y establecer unes normes mínimes de
convivencia.
-talleres Orientación Llaboral, que
tienm como oxetivu preparar al alumnáu nes meyores de les
competencies personales pa la busca d'empléu faciendo especial
fincapié nes posibilidaes d'aprendizaxe y llaborales de la movilidá
europea.
Los talleres van ser impartíos por
distintes asociaciones y empreses que collaboren na actividá:
-Asociación “Ye too Ponese”
-Asociación “Youropía”
-Eme-Espacio de mediación y educación
-Estudio de psicoloxía “Ayudar”
-Europe Direct
-Más Vida
“Va trabayase con grupos
llimitaos, lo que va dexar que la metodoloxía sía participativa y
más personalizada. Les esplicaciones del equipu de formadores va
complementase con dinámiques, exercicios prácticos y materiales
audiovisuales, tou ello cola cuenta de faer más curiosos y cercanos
los conteníos a trabayar” – comentó la edil Paula Cuervo.
Los talleres que se van desenvolver a
lo llargo del programa son los siguientes:
-Talleres de resolvimientu de
conflictos “Re-solución”, de “Eme-Espacio de mediación y
educación”.
-Talleres de resolvimientu de
conflictos “Aprendiendo a convivir colos demás”, de Gabinete de
psicoloxía “Ayudar”.
-Talleres “desenvuelvo de
competencies pa la empleabilidá”, de “Ye too ponese”.
-Talleres “Creatividad aplicada a la
busca d'empléu”, de “Más vida”.
-Talleres ”Movilidad y empléu na
UE”, de Europe Direct.
-Talleres “Movilidad y empléu na UE”
d'Asociación “Youropía”.
“Los talleres van tener una hora
de duración y van tar impartíos por un monitor per grupu, van dar
empiezu'l 3 de mayu y van rematar el 14 de xunu, en total van ser 327
alumnos y alumnes del IES de Candás los que van participar nes
distintes actividaes” – Esplicó Cuervo.
“Ye importante destacar el trabayu
realizáu pola Oficina Xuvenil de la Mancomunidá Cabo Peñes y
el IES de Candás pa llevar a cabu esti proyectu, yá que ensin el so
trabayu previu col alumnáu y la so implicación na ellaboración
d'un programa acorde coles necesidaes de los mozos que nestos
momentos atópense cursando ESO y Bachilleratu nel Institutu sería
imposible la so execución, estimar amás el trabayu y sofitu del
AMPA IES Candás y de toles organizaciones que trabayen y collaboren
nel proyectu” – concluyó la edil.