El Consistoriu de Carreño,
qu'adquiriera'l compromisu de collaborar na midida de lo posible
coles comunidaes afectaes pola presunta estafa d'un alministrador de
finques, pon en marcha una xornada informativa sobro'l derechu
d'asistencia xurídica gratuita y el procedimientu a siguir énte los
fechos asocedíos.
Na tarde d'esti 19 de mayu, a partir de les 20 hores,
va tener llugar una charra informativa impartida pol xefe de
serviciu de l'Axencia de Sanidá Ambiental y Consumu del Principáu
d'Asturies y la Comisión del Turno de Oficio del Colexu d'Abogaos de
Xixón, nel salón d'actos del Edificiu Polivalente “La Baragaña”.
Esta xornada lleva por títulu “Orientaciones práctiques sobro'l
derechu a l'asistencia xurídica gratuita: beneficiarios/es,
prestaciones, cobertoria y tramitación”. Al entamu de la mesma'l
Xefe de Serviciu de Consumu va informar a les persones qu'asistan de
los pasos a siguir y cómo actuar en fechos como los asocedíos.
“Dempués de la dimensión
qu'adquieren los efectos de la presunta estafa, qu'afecta a más
de mediu centenar de comunidaes de propietarios, el conceyu va
collaborar col vecinderu na busca de posibles soluciones, qu'estenen
la incertidume a la que s'enfrenten nesti procesu” esplicó
Gabriel Rodríguez, voceru del gobiernu local.
“Anque'l conceyu nun tien competencia
directa n'esti asuntu, na midida de lo posible, va facilitar el
contactu ente les comunidaes y les entidaes que puedan apurrir lluz a
la situación na que s'atopen” concluyó'l voceru municipal.
Albandi
