“Perlora precisa inversión, el
problema nun son les condiciones urbanístiques de la ciudá
residencial. El Conceyu de Carreño ye'l primer comenenciudu nel
desenvolvimientu d'un proyectu vidable y sostenible pa la zona,
d'ende que treslladara delles propuestes al gobiernu rexonal pa la so
valoración”, el conceyal d'urbanismu y voceru del gobiernu
local, Gabriel Rodríguez, realizó estes matizaciones al alderique
producíu nel plenu de la Xunta Xeneral del Principáu d'Asturies.
“En nengún casu va ser una torga
la tramitación urbanística necesaria pa la toma de decisiones por
otres alministraciones sobre la puesta en marcha d'un proyectu pa la
Ciudá de Vacaciones de Perlora. En 2010 empecipióse la
tramitación del Plan Especial de Reforma Interior (PERI) y ante les
considerancies plantegaes pola corporación, les empreses
comenenciudes naquel momentu dieron la callada por respuesta”,
añedió Gabriel Rodríguez.
“Somos dafechu conscientes y por
eso compartimos la idea de que les dificultaes económiques
supunxeron la principal estorbisa a la d'atraer inversiones que
fixeren posible'l desenvolvimientu d'un proyectu con futuru pa la
Ciudá de Vacaciones. Siempres respetando les normes urbanístiques a
valir pal espaciu de la Ciudá de Vacaciones esistentes dende 1995 ”,
concluyó'l conceyal d'urbanismu.