El Conceyu de Carreño al traviés de la Oficina d'Información
Xuvenil de la Mancomunidá del Cabu Peñes y la Conceyalía de Mocedá
programa, un añu más, una nueva edición de los talleres de pesca.
Nesti casu va ser la IX edición y va desenvolver
el Club Naútico “Cuatro Vientos” de Candás.
L'actividá tien como oxetivos principales l'acercamientu de los
neños y les neñes a la pesca. Para ello van proceder al montaxe y
l'usu de los distintos elementos para la pesca, van impartíse-yos
unes conocencies avera de les distintes técniques de
pesca, según aprender a identificar les distintes especies,
conocer les sos costumes y ecosistemes y daqué bien
importante, ser respetuosos col mediu marín y conocer bien la
normativa que regula la pesca (Talles mínimes, periodos de vedes,
valor económicu de la especie.
“Cola programación de los talleres de pesca pretendemos que
los neños y les neñes tenga un acercamientu a la pesca, non solo
dende un aspeutu lúdicu sinón tamién de la conocencia de les
especies y mediu marín, amás de sensibiliza-yos cola problemática
de la contaminación y la conveniencia del caltenimientu de los
espacios y el desenvolvimientu sostenible” – esplicó la
conceyala de la área Paula Cuervo.
Los talleres INFANTILES tán dirixíos a neños y neñes d'ente
seis y dolce años, los de pesca INCLUSIVA van destinaos a les
persones con diversidá funcional usuaries del Centru de Sofitu a la
Integración de Candás. van impartirse ente'l 26 de Xunu y el 1 de
Xunetu nel Puertu de Candás y n'alta mar nes embarcaciones del
club, tando los ritmos de la programación condicionaos polos
factores climatolóxicos.
Los conteníos didácticos que se van impartir nesti ciclu de
talleres de pesca infantil ya inclusiva son los que siguen:
Léxicu marineru.
Normes de seguridá. Cómo actuar énte determinaes situaciones.
Identificación d'especies. Talles mínimes. Periodos de veda.
Nociones básiques de nuedos y habilidaes marineres.
Técnica de Pesca a xeitu. Material necesario y montaxe.
Técnica de Pesca a Boya. Material necesario y montaxe.
“L'actividá docente va correr al cargu de personal
esperimentáu de la Sección de Pesca del Club Náuticu Cuatro
Vientos inscritu na Federación de Pesca y Casting del Principáu
d'Asturies, que van tresmitir la información por aciu una
esplicación inicial de los conteníos programaos pa darréu dar en
la so puesta en práctica, siempres so la orientación y supervisión
de monitores” añedió la conceyala.
Les inscripciones de van poder realizase los díes 12, 14 y 16 de
xunu na Oficina Xoven Mancomunidá Cabo Peñes asitiada nel Centru
Polivalente La Baragaña de Candás n'horariu de 9 a 14 hores.
“Como novedá anguaño añedimos a los talleres una xornada
de bautismu de vela, que va ser opcional pa los neños y les neñes
con edaes entendíes ente los ocho y los dolce años d'edá que sepan
nadar” – prosiguió la conceyala
“La xornada de vela va tener, al igual que los talleres de
pesca, una duración de dos hores y va desenvolvese por veces. El
preciu de l'actividá de vela pa les families comenenciudes va ser de
cinco euros per persona. Esti preciu ye resultáu d'una collaboración
municipal col citáu club y gracies a ella, van beneficiase d'una
bonificación del 50 % toles persones que participen na xornada de
vela” – concluyó la conceyala.
Albandi
