La campaña `Nun quedes tras, dixebra
les tos borrafes´ concentra diverses acciones de sensibilización y
comunicación mientres el mes de xunu.
Alumnáu de los colexos públicos Poeta
Antón y San Félix, según del IES de Candás, va percorrer les cais
actuando como embaxadores del reciclaxe.
L'Alcaldesa de Carreño, Amelia
Fernández, y el Xerente del Consorciu pa la Xestión de Borrafes
Sólides d'Asturies (Cogersa), Santiago Fernández, presentaron esta
mañana a los medios la campaña de sensibilización ambiental que se
va desenvolver mientres el mes de xunu nel conceyu col fin d'impulsar
la participación ciudadana nel reciclaxe esto ye, l'usu de los
contenedores de recoyida selectiva y del Puntu Llimpiu de Candás.
Col lema Nun Quedes tras, dixebra
les tos borrafes, combínense numberoses acciones d'educación y
comunicación, ente les que s'inclúi'l Conseyu Escolar del Reciclaxe
que tuvo llugar esti 2 de xunu nel salón de plenos del Conceyu cola
participación d'unos 50 alumnos/es de los colexos públicos Poeta
Antón y San Félix, según del IES de Candás. El mesmu xerente y
l'alcaldesa atendieron les cuestiones que-yos plantegaron dende
l'alumnáu con relación al serviciu de recoyida y tratamientu de
borrafes.
Precisamente estos as estudiantes van
ser los que van percorrer les cais a les llargu de les próximes
selmanes afatiaos con chalecos d'alta visibilidá p'actuar
como Embaxador/es del reciclaxe que van apellar a los viandantes
pa conocer los sos vezos d'usu de los contenedores de colores y del
Puntu Llimpiu de Candás, según les sos conocencies sobro la
correcta separación de borrafes.
La esposición qu'acompaña esta
campaña va tar abierta al públicu na Casa Municipal de Cultura.
Nella esplica'l procesu del reciclxje y qué tipu de borrafes tienen
de depositase en cada contenedor de recoyida selectiva. L'oxetivu ye
recordar que na bolsa negra (la fracción entemecida) que va parar
directamente al vertideru central de Serín, entá hai munches
borrafes (envases de plásticu y briks, llates, papel y cartón,
botes y botelles de vidriu, testil, inclusive materia orgánico) que
podríen ser recuperaos si se dixebraren correchamente nel orixe (nes
cases particulares o nos comercios, restoranes, etc.).
La Caravana del reciclaxe de
Cogersa, va tar nel mercáu selmanal del sábadu 17 de xunu. Esti
puntu d'atención va recibir les duldes y consultes de los vecinos, y
como complementu va haber un concursu caleyeru (Usté, ¿recicla o
nun recicla?) nel que podrán ganase diversos obsequios ya
inclusive, una actuación caleyera de la compañía de teatru
Higiénico Papel.
Cogersa empecipió la campaña Nun
Quedes tras, dixebra les tos borrafes en Grau, L.lena, Llanes y
Tinéu en 2014. En 2015 tuvo llugar en Siero, Llanera, Gozón y
Castrillón. Anguaño va tar en Villaviciosa en mayu y en Carreño,
en xunu.