El barriu de Candás celebró na mañana del pasáu sábadu la festividá del so patronu na capiya de La Torre, allugada nel Barriu El Regueral, al que s'apuerta pola carretera CE-1. Trátase d'una construcción del sieglu XIX, añu 1811, onde puede apreciase na so cara Norte, un escudu d'armes colos blasones de Pola y n'otra, grabada la siguiente lleenda, encabezada por una cruz pequeña:
"Año de 1811 la gracia del Espíritu Santo sea con nosotros.
Fui edificada por mi dueño Don Thomas González Pola, regidor
perpetuo, que lo heredó de su antepasada Doña Catalina Fernández,
en su testamento de este año el peor que veo después del VI"
Mari Carmen propietaria de la casa de la Torre, un añu más foi la encargada de tañir les campanes de la capiya mientres la procesión y dexar les instalaciones de la so vivienda pa la velada de convivencia vecinal.
Procesión previa a la misa
El percorríu de la mesma tuvo llugar na redoma del templu que'l so altar ta dedicáu al Cristu del Amparu y a Santa Bárbara, imaxe ésta última que veneraben bien especialmente les persones que trabayaron nes antigües mines de fierro del Regueral.
Celebración llitúrxica oficiada pol cura párrocu de Candás D. José Manuel García.
Sesión vermout amenizada por grupu de música tradicional “Banda Los” con acordión, gaita y tambor. Nel intre de la mesma'l vecinderu apurrió a l'alcaldesa un ramu de flores. María José de la Parte Sánchez foi la encargada d'apurri-y lo n'agradecimientu a la implicación municipal na recuperación d'esta festividá de San Juan para esfrute del vecinderu.
Los voladores mientres tola celebración fueron por xentileza de la pirotecnia de Carreño Morís.
Albandi
