Dende el próximu 21 d'agostu va poder visitase, nel Centru
Polivalente “La Baragaña”, la esposición “Los oxetivos de
desenvolvimientu sostenible: un nuevu marcu pa tresformar el nuesu
mundu” de la ONGD Acción Sin Fronteras, entidá que trabaya en
favor de la solidaridá, la xusticia y la cooperación al
desenvolvimientu. Esta iniciativa de divulgación de los ODS
impúlsase dende la área d'igualdá municipal.
Los Oxetivos del desenvolvimientu sostenible fueron desenvueltos
pol Programa de les Naciones Xuníes pal Desenvolvimientu (PNUD) y
operen al traviés de 17 metes que busquen ente otres coses poner fin
a la probeza, garantizar los derechos y la prosperidá de toles
persones y el cuidu y protección del planeta.
“Esta esposición va dexanos esaminar estos oxetivos y
cavilgar sobro les prioridaes y retos a los que na actualidá
enfréntase'l nuesu mundu” – esplicó l'Alcaldesa de
Carreño.
L'amuesa va tar abierta del 21 al 27 d'agostu de 9 a 22h. en
llaborables, y sábados, Domingos y festivos de 10 a 13, y de 16:30 a
21h.