Carrió celebró esti domingu, 20
d'agostu, la so fiesta sacramental n'honor del so patrón, San
Llorienzo. La tradicional lliturxa, oficiada por Jesús García,
párrocu de la parroquia, tuvo cantada pol coru parroquial de
Perlora. Asina mesmu una pareya de gaita y tambor,
pertenecientes a la Banda de Gaites de Corvera, fueron los
encargaos de amenizar los festexos.
Nesta ocasión los vecinos y les
vecines asistentes, tamién pudieron esfrutar de la esposición de
fotografíes antigües de la parroquia, apurríes por families de
Carrió, 60 imaxes inédites dispuestes en 15 paneles nel cabildru de
la Ilesia.
Esta esposición encuádrase dientro
del alcuerdu de collaboración ente'l Conceyu de Carreño y
l'Asociación “Candás Marinero”. Al traviés del cual tase
trabayando na recuperación, dixitalización de fotografíes del
Conceyu a lo llargo del sieglu XX. Un homenaxe a toes aquelles
persones, families, que formen parte del pasáu, presente y futuru de
Carreño.
Tres El Pieloro, Llogorzana, Priendes y
agora Carrió, “Candás Marinero” yá esta trabayando na
siguiente esposición, que va tener llugar en Prevera. Toles
esposiciones van xuntase nuna colectiva que va tener llugar en Candás
el próximu mes de xineru.
4 Son les families que de forma
desinteresada proporcionaron imaxes antigües a la asociación que preside Tito Aramendi, esponiendo esta amuesa tres l'escanio,
digitalización y maquetación. El total de semeyes recoyíes na
parroquia xubió a más de 400 instantánees. Siendo la imaxe
más antigua que se presenta de 1924.