Priendes celebró esti 15 d'agostu la
so fiesta sacramental con asistencia de numberosu públicu a la misa
celebrada pol párrocu D. Jesús García col acompañamientu coral
del Coro Parroquial de Perlora y amenización de los festexos y
sesión vermouth nel cabildru de la Ilesia pola Banda de Gaites de
Corvera, dirixida pol perlorín Bras Rodrigo.
Vecinos, vecines y visitantes pudieron
esfrutar tamién de la esposición de fotografíes antigües de la
parroquia, apurríes por families de Priendes, con 60 imaxes inédites
dispuestes en 15 paneles tres los trabayos d'escanéu, dixitalización
y maquetación llevaos a cabu pola asociación Candás Marinero. En representación consistorial
allegaron los conceyales Simi Velasco y Cecilia Tascón.