Anguaño, el parque presenta una nueva
pavimentación d'asfaltu y una nueva repartida de zones verdes y de
circulación. Col remanente del añu pasáu encetóse la primer
fase de les obres reforzando la base del pavimentu y estudiando los
niveles pa evitar la formación de ramples y pasos y convertir d'esta
manera'l parque nuna zona accesible. Na actualidá, tal que puede
apreciase nes fotografíes axuntes, el pavimentu del parque atópase
iguáu y anováu, habiéndose readaptáu les rimaes y definíu la
separación ente la zona axardinada y la pavimentada. Tres
l'aprobación del presupuestu municipal, col votu favorable del PSOE
y SOMOS, llicitáronse les segunda fase de les obres de
rehabilitación de pavimentu y zona infantil del parque d'El
Carbayo.
“Coles obres de meyora y
equipamientu que tamos realizando pretendemos completar les obres
realizaes na Fase I, que se financió col remanente, pa poder dexar
el parque en perfectu estáu pal so usu. L'ámbitu d'actuación tien
una superficie averada de 230 m2. Correspondercola superficie de la
zona piatonal y la zona infantil de xuegos, nun tando incluyida
nestes obres la zona axardinada, que se va reponese per parte del
serviciu d'obres una vegada rematada esta fase. ” – esplicó
Simi Velasco, edil d'obres.
La zona atópase pavimentada con tremáu
asfálticu a falta de los pavimentos de terminación que se van a
realizar nesta segunda fase. Tamién readaptáronse los niveles
consiguiéndose la eliminación de ramples y pasos y re-asitiáronse
les arquetes d'instalaciones (saneamientu, eletricidá) pa la nueva
distribución. Dexóse preparada la zona del accesu posterior pa
enllargar la cera y dotar de continuidá a la esistente. Los primeros
trabayos que se tán realizando consisten nel llevantáu del
pavimentu de la zona posterior, esterior a la intervención
realizada, pa preparar la zona pa la execución de la nueva cera.
Darréu, va baltase'l muriu esistente, la nueva intervención inclúi
la execución d'un muriu nuevu. va abrise una cabiana pa la
cimentación del nuevu muriu y pal allugamientu del bordiellu de la
nueva cera.
CIMENTACIONES
Va realizase una zapata corrida que
sirva d'asientu al nuevu muriu. El muriu, de 20 cm d'espesura, va
tener un altor variable, ente 1,30 m y 0,60 m realizada por aciu
ondes, siendo'l so remate cimeru curváu. Tamién se va realizar una
solera de formigón p'asientu de la cera posterior.
ALBAÑILERÍA
Realizaráse'l muriu de zarru con
bloque de termoarcilla de 19 cm d'espesura. El muriu tien un altor
variable, ente 0,60 y 1,20m de forma d'ondes. El remate cimeru ye
curvu. Darréu va realizase un enfoscáu rugoso pa dexar la so
superficie llista pal acabáu.
PAVIMENTOS Y REVESTIMIENTOS
Va realizase'l revestimiento del muriu
de formigón con un alicatado d'azulexu rotu tipu “trencadís”
con base en color blancu y col insertamientu de pieces de 4 colores.
El remate de la zona curva cimera va realizaseen nun color a escoyer.
Amás, van ensertase 4 mosaicos con dibuxos de temática infantil. va
procedese tamién al remate del pavimentu del parque, poniendo
pavimentu de seguridá na zona de los xuegos infantiles y rematando
el pavimentu asfálticu con un morteru de slurry de color a definir.
Va pavimentase la cera posterior con una baldosa hidráulica de tacos
similar a la yá esistente.
MOBLAME
Van ponese nuevos xuegos infantiles y
puertes nes dos entraes del parque realizaes con madera acabada en
colores. Estes puertes respuenden a midíes tendentes a garantizar la
mayor seguridá del públicu infantil qu'use les instalaciones, pola
proximidá del parque col vial de la Avda. del Ferrocarril.
El Plazu d'execución previstu pa les
obres ye de 4 selmanes, a partir de la firma de l'acta de
comprobación de replantego. El plazu de garantía mínimu de les
obres va ser d'UN AÑU a partir de la fecha de la so recepción.
Albandi
