Na mañana d'esti 10 d'agostu, el gobiernu local supervisó cola
arquiteuta de la Mancomunidá Cabo Peñes y los representantes de la
empresa qu'executó les actuaciones (Arposa 60 S.L.) la evolución de
la última fase de les obres de la xubida al campusantu municipal de
Candás.
La execución de les mesmes ta prácticamente rematada a la espera
del allugamientu del moblame urbanu y la retirada de les antigües
lluminaries según del cableaxe al traviés del que se-yos da
suministru.
Pa dar serviciu a les nueves faroles instalaes de tipu led y
n'ares de realizar el soterramientu de los cables d'estes tuvose que
modificar el proyectu inicial pola necesidá de doblar les
canalizaciones de HC al nun tener l'autorización de dicha compañía
pa llevar l'allumáu pola canalización esistente d'eletricidá.
Dientro d'esti cambéu contemplóse tamién la realización de les
acometíes eléctriques a les viviendes esistentes por indicación de
la compañía suministradora según la canalización del cableaxe pol
que se suministra'l serviciu de teléfonu nun tramu del vial reparáu.
Esta meyora na obra proxectada va suponer una medría del costu
final de l'actuación. Dichu gastu pretende encetase con parte del
dineru del remanente.