Esti martes 19 de setiembre a les 19 hores na Casa de Cultura de Candás, tuvo llugar la Xornada de Refuerzu, postrera de les sesiones de la campaña de Compostaxe Domésticu  2017 en Carreño.

Los 23 participantes d'esta edición punxeron de mancomún na última xunta les esperiencies adquiríes col compostaxe domésticu a llongura d'anguaño y recibieron un aireador, el postreru de los materiales para compostar que se facilitaron a lo llargo de la campaña xuntu con una compostadora, un manual del compostaxe y un sacu de compost.

Asina mesmu, les nueves families compostadores de Carreño pudieron visitar les instalaciones de COGERSA y participar nos Alcuentros de Compostaxe el pasáu mes de mayu y van poder inscribise nel concursu a nivel rexonal “Hago un buen compost”.

El Conceyu de Carreño y COGERSA desenvolvieron per octavu añu consecutivu esta iniciativa.

Nesta ocasión, el vecinderu participante pertenez mayoritariamente a les parroquies de Candás y Perlora siguíos de Quimarán y Albandi, tando presentes tamién families d'El Pieloro, Carrió y Priendes. 

Dende la primer campaña empecipiada en 2010 hasta güei, yá son 193 les families del conceyu qu'ellaboren abonu natural nes sos cases particulares a partir de les borrafes orgániques xeneraos nel llar y la güerta o xardín.