El próximu vienres 22 de setiembre, a les 19:30 h., va tener
llugar nel Centru d'Escultura de Candás, Muséu Antón la
inauguración de la esposición “Giardino Segreto” del artista
italianu Italo Chiodi
Esta esposición axunta una ventena d'escultures de variáu
formatu y realizaes colos materiales más diversos, alambre, estuco,
plásticu y llana. Coles sos creaciones, Chiodi intenta conectar Arte
y Naturaleza, como testigues d'una atención a les coses humildes, y
n'apariencia, les más insignificantes, que nos arrodien na
naturaleza y n'otros llugares.
Italo Chiodi, (Villa d’Ogna,Bérgamo, Italia 1961) se diploma na
Academia de Belles Artes Carrara de Bérgamo y na Academia de Belles
Artes de Brera en Milán. Llogró'l Máster y el Doctoráu na Facultá
de Belles Artes de la Universidá de Granada, universidá cola cual
collabora dende 2006.
Na actualidá ye profesor de dibuxu de l'Academia de Belles Artes
de Brera de Milán.
El so trabayu personal céntrase na collaboración con distintos
editoriales como ilustrador y na so actividá como pintor y escultor.
Ye amás un artista con gran interés y actividá nel campu del Arte
Ambiental.
Dende 1995 participó a munches esposiciones colectives y
personales en distintes ciudaes italianes y estranxeres.
La esposición, va poder ser visitada nel Centru d'Escultura de
Candás, Muséu Antón hasta'l 5 de noviembre.