II Xornada Multideporte Adaptáu n'El Valle, programa

Pista polideportiva y CIR Monte Areo, Sábadu 23 de Setiembre de 2017 n'El Valle de Carreño, día de convivencia, multideporte adaptáu, comida y diverses actuaciones musicales.

Iniciativa surdida a propuesta d'un vecín del barriu de la La Rebollá (Quimarán), José Raúl Suárez Fernández, col sofitu de diverses entidaes qu'arrexunten a persones con diversidá funcional del Principáu d'Asturies y el Consistoriu carreñense.

PROGRAMA PREVISTU  

- 11h. a 13:30h. Multideporte afechu: baloncestu, esgrima, bádminton, handbike, slalom, tiru con arcu y tiru con gomeru. Participación abierta al tol públicu asistente.
- 14:30h. Comida Espicha, sirvida pol Catering BALBONA. Preciu: 14 €/ persona. Menú: Embutíos ibéricos, palinos de quesu manchegu, tortiella española, empanada hojaldrada de bonitu, bollu preñau mini, chorizos a la sidra, mini tartaleta ensalada de cámbaru y rusa, croquetes de xamón ibéricu, gambes crujientes con alioli, llacón cocíu con cachelos, buñuelos de crema y nata (Vino Rioja, Sidra y Agua)

Plazu d'inscripción: Miércoles, 20 de setiembre de 2017. Información ya inscripciones nes sedes de les entidaes organizadores o nel corréu; cosanuesa@hotmail.com

El pagu del menú tien d'abonase n'efectivu PRIMERAMENTE, en caúna de les entidaes promotores, Club Deportivu Cosa Nuesa, APTAA, ASPAYM, Peña Tiro Gomeru Castrillón, Andade y FEDEMA, o bien per tresferencia bancaria al númberu de cuenta ES91 2100 4830 4222 0009 2905 especificando na tresferencia'l siguiente conceutu ABONO MENÚ DNI xxxx N º DEL CARNÉ xxxxx CARREÑO 2017 

-16:30h. Sortéu: col númberu del ticket del menú va haber un sortéu de regalos ente'l públicu asistente. Premios donaos por patrocinadores.
-17h. Homenaxe a "Vicente Díaz". va faese entrega d'un retruque, en cerámica, d'un dolmen del Monte Areo, obra de la ceramista candasina Rita Prendes. El Conceyu de Carreño y les entidaes organizadores del eventu quieren con ello reconocer la so trayectoria y que caltenga esta pieza ceramica tan emblematica,  como entrañable alcordanza de los sos ésitos musicales. Vicente Díaz vivió nesti conceyu'l so primer ésitu nel emblemáticu Parque de  Santarúa nel Añu 1976. Ésitu que celebró, naquel momentu a lo grande, colos sos padres y públicu asistente.

De la mesma, Vicente Díaz, va apurrir una cinta y una semeya dedicada a una siguidora bien especial que tien en Carreño: Sara García Muñiz. La moza candasina con diversidá funcional ye fan incondicional del cantante.

- 17:30h. Conciertu Solidariu: Pepín El Guitarrista, Jesús Pablo y Charo “Dúo Ébano”, Alfredo “El Rey del Bolero”, Mercedes Ben Salah, Coru Nordeste de Candás y Yoli del Río.
- 20:30 h. Aprox. Remate de la xornada.