L'Ayuntamientu de Carreño va proceder al cambéu de la rede perimetral del campu de yerba sintéticu y al proyectu d'instalación de dos baños nel complexu deportivu d'e La Mata en Candás.

Nel marcu de la execución presupuestaria prevista para esta añalidá'l Conceyu de Carreño llicitó y contrató el suministru ya instalación de la rede perimetral que cubre'l campu de yerba sintéticu anexu a La Mata. Asina mesmu, antes de rematar l'añu,  van instalase dos baños nesti complexu deportivu.

El preciu total, IVA incluyíu, de l'axudicación de les redes xubió a 3.933,82€ y l'empresa que resultó axudicataria foi Ovidio Suárez Distribuciones S.L. la quién se va encargar de dicha instalación.

“Van asitiase unos 1.400 metros cuadraos de rede fabricada'l polipropileno de 3 mm de grosez de color blanca”, señala Gabriel Rodríguez, edil de deportes de Carreño. 

“Ye una actuación que se fai bien necesaria debíu al mala traza de la rede esistente que col pasu de los años y poles inclemencies meteorolóxiques deterioróse considerablemente” –afirmó Rodríguez.

“Amás d'esti cambéu de la rede perimetral ta peracabándose l'allugamientu de dos baños na zona d'ese mesmu campu. Una meyora que va facilitar l'usu y esfrute de les instalaciones deportives. Son un volume importante de persones les qu'alleguen tanto diariamente a los entrenamientos como a los partíos qu'ellí s'apuesten les fines de selmana” –añede Rodríguez.