La espectacular V Edición de la Marcha
Solidaria Monte Areo BTT dio tamién el pistoletazu de salida para
les Fiestes de los Remedios de Quimarán. Cientos de deportistes
dieron cita nun eventu que nun ye namá deportivu, sinón
primordialmente solidariu, que la so recaldación va dirixida al
Institutu d'Investigación Sanitaria IIS La Fe de Valencia y a
l'Asociación Galván, qu'atiende a neños y neñes con cáncer,
según a les sos families
Con esta demostración solidaria de la
parroquia de Quimarán empiecen les tradicionales y postreres del
branu Fiestes de los Remedios, patrona de Carreño. Con un variáu
programa que va faer esfrutar a vecinos, vecines y visitantes.
L'actu central de les fiestes va ser la
Ufrienda del Ramu esti Domingu 17 a partir de les 12,30 hores. Va
empecipiar cola recepción de pelegrinos y pelegrines na Ilesia de
San Esteban para de siguío movese al cercanu Santuariu de los
Remedios.
El Conceyu de Carreño estableció un
serviciu d'autocar dende Candás pa la Marcha Xubilar con salíes del Teatru Prendes a les
11,20 (23 places) y 12,15 hores (8 places), y vueltes a les 14,15 (9)
places, 15 y 19 hores (35 places).