Recepción oficial a la Banda Gaites Candás tres l'ésitu En Lorient

L'Alcaldesa recibió a la Banda de Gaites nel salón de plenos pa tresllada-yos la reconocencia de la Corporación pol premiu llográu pol cuerpu de percusión na 47 edición del Festival Intercélticu de Lorient.

Como reconocencia a la proyección internacional de Carreño l'Ayuntamientu va patrocinar con mil euros el próximu certame de percursión que la entidá va entamar nel marcu del Festival añal.

Cada branu miles de persones procedentes de toles llatitúes avérense a esfrutar de les tierres celtes de Lorient y del so Festival Intercelta. De Galicia a Escocia, los meyores intérpretes de música celta danse cita cada añu en Bretaña. Otru añu más, la música de Carreño tuvo presente cola magnífica actuación de la Banda de Candás  representando a Asturies n'esta edición con Escocia como país homenaxáu.

Como Alcaldesa del conceyu nun puedo más que treslladavos, en nome propiu y de la Corporación que presido, una doble felicitación. De primeres, por participar como Banda de Gaites Candás y darréu, pol premiu qu'algamastis en percusión. Tras quedaron les hores invertíes en preparar y ensayar los espectáculos qu'amosastis nel festival bretón, estes, albidro, dieron pasu a los nervios previos a los desfiles y múltiples actuaciones nos escenarios y cais. Tou ello, terminó con numberosos aplausos del públicu y remató con bien bones crítiques pol vuesu trabayu nos medios de comunicación, entiendo que fueron díes de muncho trabayu pa vós pero, a cambéu, llograstis una acoyida y valoración bien positiva per parte del públicu esllumando cola vuesa puesta n'escena y calidá musical en tierres bretones. Ensin escaecer, la importancia que tien qu'el nuesu conceyu tea presente en Lorient.” – treslladó l'alcaldesa a la delegación de la Banda.

10 músicos: 7 caxes, 4 timbales y un bombu conformen el cuerpu de percusión que dirixe David González “Was”.  Mientres diez díes vivieron intensamente'l festival. Actuaron nes cuatro nueches máxiques de 10 a dos de la madrugada. Tamién formaron parte del Desfile de Naciones y xuntu con bandes estadounidenses participamos nel Día de San Luis. Toa una esperiencia qu'encararon con nuevos instrumentos que la Banda adquirió cola ayuda de los fondos LEADER que xestiona ADICAP.

Oxalá, Candás y Carreño, dempués de que vós yá algamarais esti cume musical, puedan promocionase nel marcu d'esti eventu nel que conviven, mientres diez díes, xentes de múltiples nacionalidaes. Va Ser un honor, que más puestu que tarde representéis nuevamente en Lorient al conceyu cola categoría y nivel musical que lo fixistis. Sería deseable que la vuesa próxima participación nesti escenariu tamién pueda dir sofitada con mayor presencia y promoción del nuesu territoriu qu'amuese la esencia d'identidá de la nuesa villa marinera y los nuesos valles rurales” – concluyó la rexidora.