L'Asociación de Muyeres rurales “Nosotr@s”, que preside
Josefina Vega, promueve, un añu más, la yá tradicional marcha
xubilar dende Quimarán a Candás.
Al traviés de les redes sociales, nel so perfil de Facebook,
comunicaron a les socies el pasáu 22 d'Agostu que yá taben
peracabando los preparativos pa la marcha que va partir el mañana
Martes, día 12 de Setiembre a les 16:30 h. dende'l Santuariu de La
Nuesa Señora de los Remedios en Quimarán.
Un añu más, va participar na mesma l'alcaldesa de Carreño,
Amelia Fernández, socia fundadora d'esta entidá asociativa del
conceyu.
“La vida ta llena de pequeñes coses y eses pequenes coses
dan pasu a otres más grandes. Les muyeres del mediu rural de
Carreño, saben que namá pasu a pasu lleguen a consiguir los sos
oxetivos, por eso nunca se paren ” – señaló l'Alcaldesa.
“Les dolce parroquies de Carreño tópense representaes nesta
asociación, pos les sos socies son muyeres que viven en toles
parroquies del conceyu, once d'elles núcleos rurales esvalixaos”
– prosiguió la rexidora.
“Unu de les meyores de la mayor significación nel procesu de
llucha pola igualdá y la equidá ente homes y muyeres ye'l mesmu
desenvolvimientu del movimientu asociativu femenín y la so capacidá
d'articulación. L'asociación de muyeres rurales de Carreño
“Nosotr@s” ye un claru exemplu d'esa meyora nel nuesu conceyu.
Col so trabayu, lleven 17 años, nel día ente día, dando pequeños
y reblagaes, revalorizando d'esta forma'l trabayu de la muyer rural,
ameyorando la comunicación coles Alministraciones y otres
asociaciones” - concluyó Amelia Fernández.
“Nosotr@s” foi la primer asociación de muyeres legalmente
constituyida nel conceyu de Carreño, surdió casi al par que'l
Conceyu publicaba'l so I Plan d'Igualdá d'Oportunidaes. Esta
veterana asociación cumple, xuntu col restu d'asociaciones que
fueron surdiendo nos últimos años, un importante papel xenerando
espacios pa la interrellación personal de les muyeres y apurriendo
una serie d'actividaes que de la mesma impliquen un refuerzu
psicolóxico y emocional bien importante pa les socies. Na actualidá
amás de la Comisión d'Igualdá participen nes Comisiones de xestión
de los Fondos europeos LEADER y FEMP.
Mañana, a metá del camín, na zona de Arquiella (Perlora) van
habilitar la zona de avituallamiento pa facilitar agua a les
participantes.
La marcha va tener l'asistencia de l'ambulancia de Cruz Roja de
l'Asamblea Local de Carreño. Van Percorrer l'antiguu trazáu de
regresu a casa de les muyeres de la paxa, dende Quimarán, van xubir
pola CE–3 pa enfusase en Perlora y de ende hasta Candás pol Paséu
Maritimo. Faciendo una parada énte la escultura d'Antón, “La
Marinera” onde van realizar una semeya de grupu pa, como cada añu,
tener una alcordanza gráfica de la espedición
En Candás, van ser recibíes pol Teniente Alcalde y otros
conceyales de la Corporación de Carreño
Tres la semeya de grupu van merendar xuntes nun establecimientu de
Candás, pa darréu, les que deseyen, allegar a la Novena del Cristu.
Una vegada concluyida la novena van tornar a les sos cases nel
tresporte municipal que va salir de la parada de bus, más próxima a
la ilesia de San Félix de Candás.
“Participamos xuntu col restu d'asociaciones de muyeres de
Carreño na Comisión de Siguimientu del Plan d'Igualdá
qu'ellaboró'l Conceyu. Nesti foru de participación municipal dende
l'añu 2000 venimos faciendo aportaciones. Nél déxasenos
visibilizar les necesidaes de les muyeres, consiguir que se
diversifiquen les acciones formatives municipales llegando hasta la
zona rural con programes y cursos tan novedosos como Reflexología
Podal, Terapies Alternatives, Cursos d'Alfabetización Dixital,
Internet aplicáu al sector ganaderu, etc...” – señaló Josefina
Vega, Presidenta de l'Asociación de Muyeres.
“Los nuesos fines, tal que se reflexen nos estatutos son los
que siguen:
Informar a les muyeres del conceyu sobro los servicios y
recursos a los que pueden aportar.
Fomentar la participación de les muyeres rurales de Carreño
en tolos ámbitos de la sociedá dende la defensa a la igualdá
d'oportunidaes.
Promover y facilitar l'acercamientu de la muyeres del mediu
rural a les nueves tecnoloxíes y la sociedá de la información,
Sofitar
les iniciatives de muyeres entamadores del mediu rural de
Carreño fomentando la so participación nel mercáu de trabayu.
Entamar actividaes (talleres, charres, xornaes,...) de
sensibilización n'Igualdá d'Oportunidaes n'otres entidaes
asociatives del conceyu, Centros d'Enseñanza, Centros d'Iniciativa
Rural,... nes que se dé a conocer la situación desfavorable de les
muyeres nos distintos ámbitos de la vida social.
Promover l'usu d'un llinguaxe non sexista.
Desenvolver un llabor d'información, sensibilización y
prevención con al respective de la salú, y espardimientu de
materiales divulgativos editaos sobro estes temes por casu los del
Institutu de la Muyer, etc...
Sensibilizar y favorecer la denuncia de les situaciones de
violencia sufiertes por neñes y muyeres.
Facilitar la incorporación de les muyeres de Carreño a la
vida social y activo “ – añedió Vega.
“Ente les actividaes más entrañables ta esta marcha que
faemos, tolos años, nel mes de setiembre. Pa ello l'asociación
trabaya na recuperación de tradiciones antigües como'l percorríu
conocíu como'l Camín de la Paxa, una ruta que faíen de madrugada
les antigües sardineres que veníen de Candás pa vender el pexe nel
Fontán n'Uviéu” – concluyó la Presidenta.