El coru de la Bodega participó na 31 edición del Mes Coral de
Llaviana con un conciertu coral na Ilesia de Santa María de La Pola
Llaviana.
“Si algún día venís a la provincia de Asturias no os
vayáis sin echar una ojeada a Rodillero. Es el pueblo más singular
y extraño de ella, ya que no el más hermoso...». Asina
empieza la novela «José», del escritor asturianu Armando Palacio
Valdés.
Na novela “José “, Armando Palacio Valdés recrea la vida
cotidiana de los habitantes d'un pueblu marineru asturianu en
1885. Ye una novela realista, protagonizada polos homes y
les muyeres del pueblu ficticiu de Rodillero, como lo amuesa esti
párrafu de la novela: «Los hombres salen a la mar por la
mañana o a medianoche, según la estación, y regresan por la tarde:
las mujeres se ocupan en llevar el pescado a las villas inmediatas, o
en freírlo para escabeche en las fábricas, en tejer y remendar las
redes, coser las velas y en los demás quehaceres domésticos».
Esiste una doble conexón ente Palacio Valdés y Candás, les sos
llargues estancies veraniegues y, por otru, la relación esistente
ente Candás y Rodillero. Motivu pol que la Xunta Directiva de la
Masa Coral de Llaviana, que cumple anguaño 40 años d'esistencia, y
el Conceyu de Llaviana, al traviés de la so conceyalía de
cultura, convidaron a participar al Ayuntamientu de Carreño y
al Coro de la Bodega nesta edición del Mes Coral, una oportunidá pa
toles persones aficionaes d'esfrutar de les voces arrexuntaes y de la
tradición oral.
Ayeri, nel so conceyu natal, Llaviana, el coru candasín que fundó
en 2013 el tristemente fináu José Ramón González Muñiz, que
dirixe Salvador Cuervo allanto colos sos 30 voces mistes a
llavianeses y visitantes.
En representación del Conceyu de Carreño, acompañó-yos el
conceyal Simi Velasco.
Cola batuta de Salvador Cuervo y teniendo como organista y
director de la orquesta al perlorín José Luis Iglesias el Coro de
la Bodega interpretó La Candasina, Sardinera, La Playa del Querer,
Yo quiero ser marinero, Como la Flor, Juventud, En los surcos del
amor, El Mar, Ave María, Pescadera candasina, El día que me quieras
y La Golondrina.
El próximu 29 d'Ochobre, convidaos por Eventos Musicales
Internacionales d'Austria, el Coro de la Bodega de Candás va cantar
na Catedral de Burdeos ( Francia).