Na mañana d'esti martes 17 d'ochobre na villa d'Avilés anuncióse una
moción de sofitu a les industries electrointensivas asturianes,
siendo Carreño un territoriu siderúrxicu con un amplia presencia
d'esti tipu d'industria xenerador de riqueza y empleos de calidá.
Nel actu tuvo presente l'Alcaldesa de Carreño, acompañada de
representantes de conceyos asturianos del corredor siderúrxicu y el
Secretariu Xeneral de la FSA-PSOE qu'anunció la moción conxunta.
L'Equipu de Gobiernu de Carreño en Carreño yá rexistró la
moción nel consistoriu y va proponer l'alderique de la mesma na
próxima Comisión Informativa de Facienda que se va celebrar esti
Vienres, pal so posterior defensa y alderique nel Plenu Ordinariu del
mes d'Ochobre.
La moción contempla los siguientes alcuerdos:
–Encamentar al Gobiernu d'España a caltener el serviciu de
xestión de la demanda de interrumpibilidad, y a enllantar un
procedimientu de asignación y xuna retribución fayadizos a la
funcionalidad y eficiencia del serviciu proporcionáu poles nueses
industries electrointensives.
–Encamentar al Gobiernu d'España y a tolos axentes implicaos, a
implementar y desenvolver nuevos mecanismos y procedimientos
que dexen habilitar un suministru eléctricu garantizáu y de calidá
pa les nueses industries electrointensives, a un preciu final
competitivu, estable y predecible, tollo nel marcu de la normativa
europea.
–Amosar el sofitu a les empreses electrointensivas asturianes,
por que sigan siendo xeneradores d'empléu de calidá, en gran
porcentaxe d'una plantiya nueva, que la so competitividá y viabilidá
futures tienen de tar aseguraes énte cualquier cambéu nel futuru
marcu regulatoriu enerxéticu.
En definitiva na moción encamántase al Gobiernu d'España
a caltener el serviciu de xestión de la demanda
de interrumpibilidá y a enllantar una asignación y
retribución fayadizos a la eficiencia del serviciu proporcionáu
poles industries electrointensives aniciaes n'Asturies.
Amás, al igual que yá repitió el Gobiernu
d'Asturies, la FSA-PSOE reclama al Executivu Central un
nuevu procedimientu, nel marcu de la normativa europea, que apurra un
suministru eléctricu garantizáu a un preciu final competitivu,
estable y predecible. Coles mesmes, na moción amuésase'l sofitu
a les empreses electrointensives asturianes por que
sigan siendo xeneradores d'empléu de calidá.