“La propuesta d'inversiones del
equipu de gobiernu a realizar con cargu al remanente ta empobinda a
la meyora de la calidá de los servicios públicos y a l'atención de
delles aportaciones que surdieron del procesu participativu
d'ellaboración de los presupuestos municipales. Magar les
llimitaciones qu'impon el gobiernu central, fuimos capaces de
destinar este esforcio inversor a garantizar una prestación de
servicios eficaz”– esplicó Amelia Fernández, Alcaldesa de
Carreño al rematar la comisión de facienda na que se presentó la
propuesta a los grupos políticos.
“La distribución de la inversión
de más d'un millón setencientos mil euros (1.735.699,14 euros)
respuende a criterios d'equilibriu territorial y contempla
actuaciones de meyora nes redes de suministru y saneamientu, víes
públiques, equipamientos, arreglu d'edificios municipales y
modernización de l'alministración local”, señaló
l'Alcaldesa.
“Amás d'obres de meyora
n'infraestructures, destaca l'impulsu que dende'l gobiernu local
pretendemos da-y a l'alministración electrónica, un retu que va
dexanos averar la xestión municipal a la ciudadanía y ser más
eficaces na tramitación alministrativa”, afirmó Amelia
Fernández.
“No que al Paséu Marítimu de
Candás refierse propónse encetar d'equí a final d'añu un estudiu
técnicu previu y la contratación del proyectu pa encarar
remodelación del Paséu Marítimu de Candás. L'Estudiu previu
contemplaría l'analís de la intensidá tráficos, tao de
sosuelu, y situación de la base del pavimentu esistente, según
incidencies xeolóxiques” – señaló l'Alcaldesa.
De siguío pueden consultase les
inversiones previstes pa cada área d'actuación:
Desglose per árees d'actuación
REMANENTE 2016
|
|
Meyores na rede de distribución
d'agua del conceyu
|
441.278,49 €
|
Meyores na Rede de Saneamientu del
conceyu
|
500.199,85 €
|
Víes Públiques
|
412.991,43 €
|
Meyores na Sienda'l Tranqueru
|
90.000,00 €
|
Reparación Edificios Municipales
|
208.858,17 €
|
Modernización
|
50.671,20 €
|
Modificáu Proyectu Xubida a
Campusantu de Candás
|
31.700,00 €
|
1.735.699,14
€
|