L'Asociación Cultural “Candás
Marinero” dientro del alcuerdu de collaboración col Conceyu de
Carreño, prosigui arrexuntando instantánees del vecinderu del
conceyu poles parroquies, llevando a cabu un trabayosu procesu de
dixitalización y arquivu de les fotografíes antigües vencíes
poles families. Un homenaxe a toes aquelles persones, families que
formen parte del pasáu, presente y futuru de Carreño.
Enmarcada dientro de la esposición
fotográfica “Carreño y sus gentes” Perlora va inaugurar esti
xueves 19 d'ochobre a les 19h. la esposición dedicada a la so
parroquia nes sos Antigües Escueles. Actividá pa la que se tien la
collaboración de Los Serondos de Perlora.
De les 887 instantánees recoyíes
nesta parroquia pol equipu empobináu por Tito Aramendi en Perlora,
como nel restu d'esposiciones, vamos poder esfrutar d'una selección
de 60 fotografíes impreses en cartón pluma, distribuyíes en 15
paneles nes que se repasa la hestoria de la parroquia y de les sos
xentes nel sieglu XX.
Diecisiete fueron les families
perlorinas que, de forma desinteresada, vencieron les semeyes, que
tres la so dixitalización y maquetación van tar espuestes.
Collaboraron les families que siguen: familia de Manuel
García-Barrosa Arrinda, la de Pepe'l Monte, Pilar Bustu Arrinda, Ana
Rita Prendes, Casa El Prau, Casa Rodiles, Casa Cayetana, Casa'l
Ferreru, Casa Antón el Maestro, Miguel Alonso, Casa Pachu Valle,
Familia de Merche la de la Nozaleda, Manolo'l de la Cabaña, Casa
Benjamín de Xuán, Casa Manolo Santiago y Roberto Badiola del Barriu
de la Ferrián en Coyanca.
“La fotografía más antigua de les
recoyíes nesta parroquia remonta a 1917. Nella amuésase una imaxe
cotidiana de la selmana como yera l'asistencia a la catequesis, nes
que les güeles fáense una instantánea coles neñes baxa la
sollerte mirada del director de la mesma, Manuel Alonso Pintado. Esta
foi vencida pola familia de Pilar Bustu Arrinda”-espresó Aramendi,
Presidente de la entidá Candás Marinero.
Tres l'actu inaugural presidíu por
Amelia Fernández, Alcaldesa de Carreño, y coles asistencies de
conceyales de la Corporación y la directiva de la entidá cultural
de Candás, l'Asociación Amigos del Hórreo va presentar la
Conferencia “La policromía nos Horros Estilu Carreño” a cargu
del carreñense Julio Zapico.
La esposición va tener llugar nes
Antigües Escueles hasta'l 3 de payares, siendo l'horariu de visita a
la mesma los Martes y Vienres de 18a 20: hores.