Dende güei, hasta'l Xueves 30 de Noviembre, el centru polivalente “La Baragaña” va acoyer la esposición “No se nace mujer, una llega a serlo”, del Institutu Asturianu de la Muyer y ellaborada por cuenta de la celebración del centenariu de la nacencia de Simone de Beauvoir. La esposición que ye un homenaxe a la escritora y filósofa, va dexar que la población de Carreño conoza la so vida y obres, ente les que s'atopa “El 2º sexu”, el so llibru más influyente.

La esposición va poder visitase hasta'l 30 de Noviembre n'horariu de  llunes a vienres de 9 a 22, y sábadu, domingos y festivos de 10 a 13, y de 16:30 a 21h.

Esti Xueves, 23 de Noviembre, a les 20 h., el Teatru Prendes de Candás va realizar un pase especial  cola proyección de la película “Te doy mis ojos” de la directora Itziar Bollaín, llargumetraxe de 2003 premiáu con 7 Goyas, qu'afonda nel tema de la violencia de xéneru al traviés de la hestoria de Pilar y Antonio, papeles encarnaos por Laia Marull y Luis Tosar. La entrada va ser llibre y gratuita.