El Grupu de Desenvolvimientu Rural Asociación pal
Desenvolvimientu Integráu del Centru d'Asturies Periurbano (ADICAP),
axuntóse este 15 de noviembre en Candás pa proponer a la Conseyería
de Desenvolvimientu Rural y Recursos Naturales l'aprobación d'ayudes
Leader por un importe total de 358.156,69 € que supon casi'l 100 %
de los fondos asignaos a esti grupu.
Les ayudes van a ocho solicitúes d'ayuda, d'un total d'once, que
se presentaron al segundu plazu de resolvimientu, que remató'l pasáu
30 de setiembre, de la convocatoria Leader 2017 pa la
contorna que engloba los conceyos de Carreño, Corvera, Gozón y
Llanera.
Les 8 solicitúes aprobaes son proyectos empresariales de les
cualos trés allúguense en Gozón: una casa d'aldega de trés
trisqueles en Santana (108.578,51 €), un restorán nel área
recreativa de Moniello (64.118,44 €) y l'alquisición de maquinaria
pa la modernización d'una empresa de fabricación de cocines
allugada en Llaviana (49.355,85 €), otros dos proyectos alluguen en
Corvera: l'ampliación d'un centru xeriátricu en Molleda (64.118,44
€) y l'alquisición d'equipamientu pa un establecimientu de
productos agrícoles en Solís (37.361,33 €), en Llanera dos
proyectos: l'alquisición d'equipamientu pa un centru ecuestre en
Villardeveyo (8.520,67 €) y un proyectu de la midida de ticket
rural en Severies, pa desenvolver l'actividá d'ensayamientu y
educación canina (10.000 €) y a lo último, n'El Pieloro
(Carreño), allúgase un proyectu pa l'ampliación de les
instalaciones y l'alquisición de maquinaria d'una esplotación
hortícola (12.607,15 €).
La presidenta de ADICAP y Alcaldesa del Conceyu de Carreño, Amelia
Fernández, señaló que “el Principáu d'Asturies atópase yá
tramitando con calter antemanáu la convocatoria del 2018, d'esta
manera nel próximu mes d'avientu cabría la posibilidá de tar
nuevamente abiertu'l plazu pa la presentación de nueves solicitúes
d'ayuda, una convocatoria que tendría para ADICAP una partida
presupuestaria de 435.626,52 € (359.527,95€ pa empreses,
52.285,58 € pa entidaes locales y 23.812,98 € pa entidaes ensin
ánimu d'arriquecimientu)”