L'Alcaldesa de Carreño, Amelia
Fernández, recibió na capital d'España esti 21 de noviembre, de
manos de S.M. la Reina Letizia, el premiu nacional de Promoción
d'Accesibilidá Universal de Conceyos 2016. Esti galardón reconoz
los esfuerzos del nuesu conceyu en favorecer l'accesibilidá
fundamental pa les persones con llimitaciones funcionales, siendo
esti un factor clave d'igualdá ente vecinos y vecines.
L'Alcaldesa de Carreño foi acompañada
por una delegación del conceyu compuesta por Cecilia Tascón,
Conceyala de Bienestar Social, Daniel Fernández, Presidente del Club
Naútico Cuatro Vientos y Javier Rubio en representación de ASPAYM.
“Esta distinción, amás d'una
dotación económica, supon una inyección d'impulsu y ganes pa
siguir trabayando na eliminación de barreres. Un trabayu
collaborativu que ye frutu del primer plan d'accesibilidá municipal
realizáu cola asistencia técnica de ASPAYM” –indicó
l'Alcaldesa.
Pa la concesión del galardón valoróse
l'esfuerzu y l'enfotu puestu nel trabayu continuáu y cercanu,
qu'inclúi a les persones con diversidá funcional en Carreño, al
traviés de programes como “un mar ensin barreres” nel que
collabora'l Club Naútico Cuatro Vientos, el serviciu de socorrismu
especializáu, el conveniu con FASAD, la ufierta cultural específica
dientro del programa d'Estensión cultural, la espresión de la so
creatividá nel espaciu urbanu (xardín de los sentíos) y el taller
“Al agua pexes” impartíu pola ceramista local, Rita Prendes, que
dio como resultáu la decoración con pexes del estanque de Les
Conserveres
El destín de los 3.000 euros de
dotación económica del premiu va ser la reinversión nos programes
pa persones con diversidá funcional, al traviés d'acciones
venceyaes al multideporte adaptáu y un programa d'ociu pa mocedá con
diversidá funcional que va entamase'l próximu añu.