El proyectu “Mapping active fire data” representa tridimensionalmente la cartografía dinámica de los fueos activos na superficie terrestre mientres la pasada década. Estableciendo un marco espaciu-temporal concretu 2007-2017, realizóse una investigación penerando datos que visibilicen cómo'l nuesu planeta ta perdiendo parte de la so superficie terrestre poles feríes provocaes por fueos que tán costantemente activos.

Con esti proyectu, l'artista pretende xenerar un códigu de visualización que dexe al espectador entender la complexidá subyaciente, tantu formal como conceptualmente, nel tema tratáu.

Les sales del Muséu Antón van convertise nuna gran instalación onde un cuerpu central articula la cartografía llumínica y dinámica que va modulando los cambeos temporales, por aciu vidriu y lluz; y de la mesma conéctase por aciu cables, a diez meses de lluz, qu'a manera de tentáculos, amuésanos datos y el mapa de cada añu representáu.

Esther Pizarro (Madrid, 1967) ye doctora pola Universidá Complutense de Madrid y profesora titular de la Universidá Europea de Madrid. Les sos últimes instalaciones esquicen la visualización de la complexidá na ciudá contemporanea: movilidá, conectividad ente ciudaes, sistemes urbanos policéntricos y datificación a partir de perfiles urbanos, son dalgunos de los temes trataos. Foi becada pola Fundación Pollock-Krasner de Nueva York, l'Academia d'España en Roma y el Colexu d'España en  París. Ente 1996 y 1997, mora n'Estaos Xuníos con una Beca Posdoctoral de la Comisión Fulbright y el Ministeriu d'Educación y Cultura. Espunxo individual y colectivamente fora y dientro del nuesu país: Matadero Madrid; Hospital de Sant Pau, Casa Asia, Barcelona; Muséu de San Telmo, San Sebastian; Real Casa de la Moneda, Segovia; Muséu Barjola de Xixón.

Nos últimos años, fixo numberoses instalaciones efímeres ya intervenciones n'espacios públicos, sía de calter temporal o permanente, como la esposición Universal de Sanghai, la Expo de Zaragoza, el Parque Pradolongo de Madrid. La so obra figura en colecciones como l'Academia de Roma, Institut Valencià d'Art Modern, Ministeriu d'Asuntos Esteriores, Caja Madrid, ente otros.