Con cargu al fondu de compensación de
COGERSA el Conceyu de Carreño executa les obres de
pavimentación y meyora d'un vial en Tamón.
“Trátase d'un camín públicu que
presentaba con un progresivu deterioru énte la evidencia del so
escosamientu estructural. Xune la glorieta de Dupont col camín
públicu de la Tabla, na parroquia de Tamón. Tien una llargor
de 470 metros con un trazáu llixeramente descendente con anchor
medio de cuatro metros y superficie total de 1880 m2. Y como sistema
d'evacuación d'agua disponía de cuneta de tierra y salvacunetes
desaguando por aciu tubu”- esplicó'l conceyal de Mediu
Rural, Manuel Noceda.
“Va estendese una capa de tremáu
asfálticu estendiendo en caliente, n'espesura mínima de seis
centímetros previu selláu de la base por aciu l'aplicación d'un
riego d'imprimación y adherencia” - añedió'l conceyal.
“Va instalase una cuneta-bordiellu
de 60 cm, d'anchor executáu n'obra, dotada de tubería de drenaxe
según la parte proporcional d'obra necesaria pola conexón al tubu
de desaguadoriu anguaño instaláu. L'anchu de la calzada va ser
coles obres de 4 metros” - concluyó el conceyal
Pa la execución de les obres
recibiéronse ufiertes de 6 empreses. Axudicáronse les obres a
PAVITEK 2010 al preciu de 22.410,41 € IVA incluyíu.