Otru añu más, l'Asociación de Vecinal d'Albandi, que preside
Miguel Ángel Fernández, entamó nestes feches un viaxe cultural
para asitiar un Belén de cumes y conocer recursos turísticu-
culturales. Nesti casu, instalóse'l portal na redolada de la sablera
de Rodiles, nel conceyu de Villaviciosa que coyó'l testigu de
Llanera, conceyu nel que se asitió en 2016.
Ésti sábadu d'avientu, a les 8:30 h. partieron de Carreño dos
autobuses y un microbús escontra Villaviciosa. Nel ocalital próximu
al arenal maliayés l'asociación carreñense asitió'l Belén de
cumes. El Belén quedó instaláu nun tueru d'árbol de la área
recreativa de Rodiles, ellí mesmu comieron duces y cantaron
villancicos.
Darréu, visitaron la fábrica d'El Gaiteru, realizando un
percorríu en grupos de 50 persones. Finalmente, moviéronse a la
localidá d'Amandi, para compartir una comida y un sortéu de
regalos. L'actividá cultural tuvo la participación de 120 persones,
en representación del Conceyu de Carreño, allegó'l conceyal
Gabriel Rodríguez.
“Viénenme munchos y bones alcordances con esta actividá
cultural d'Albandi. La mio güela Ferina, yera socia de la entidá,
nun había añu que se perdiera'l Belén de Cumes. Vivilo ensin ella,
ye remembrar la so alcordanza siempres presente más nestes feches.
La entidá vecinal realiza tol añu munches actividaes, con esta
abren el programa navidiegu. El próximu, Sábadu, día 16 a les
18 h. nel CIR de la parroquia van realizar los talleres infantiles
navidiegos y llueu, visitará-yos El Faroleru para recoyer in
situ les cartes y suaños de los neños y les neñes ”
– señaló'l conceyal.